وجهت الفنانة لقاء الخميسى الشكر لكل من قام بالوقوف معها في أزمتها الأخيرة، وعلقت قائلة: "الدنيا بتختبرنا دايماً وأبداً أيام بتسعدنا وأيام بتبعدنا وتزعلنا وتجرحنا، وبنتوه مع نفسنا الحكمة بتظهر من قلب الحزن وبنقعد نفكر إيه الصح وإيه الغلط وهل اللي عدينا بيه شر ولا خير؟ ومع الوقت ولما النفس تهدى والعقل يفكر والقلب يدق، بنكتشف إن كلنا بنغلط وبنتوه شوية في وسط الزحمة، في ناس بتغلط وتكمل في الغلط، وفي ناس بتغلط وبترجع لحكمتها وبتندم وتصحح الخطأ".
وأضافت لقاء الخميسي "خطائين وخير الخطائين التوابين مافيش حد مابيغلطش، بس القوي الحقيقي بيعترف بالغلط وبيرجع لصوابه، وربنا فتحلنا باب المغفرة والسماح.. شكرا من قلبي لكل إنسان دعمني ووقف جنبي، وطبطب عليا وشكرا لكل أصدقائي المقربين اللي وفقو جنبي وكل من دعمني من أصدقاء السوشيال ميديا اللي نوروا حياتي بالمحبة وطبطب على قلبي ودعا لي دعوة حلوة".
وأشارت "آخر حاجة هاقولها، أسهل حاجة في الدنيا هدم البيوت العمرانة وأقوى حاجة في الدنيا إننا نحافظ على حياتنا ونحارب على بيوتنا وأولادنا بالحب والسلام، كلنا بنغلط وبنندم ونرجع لصوابنا، ونرجع ببداية جديدة مليانة شغف وحب وسلام وراحة بال".
واختتمت لقاء الخميسي كلامها "لكل ست وربة منزل حافظي على بيتك وعيلتك بكل قواكي وأوعي تدي الفرصة لأي إنسان إنه يهدم بيت العيلة، بحبكم من كل قلبي أصدقائي وعيلتي".
ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.
