يتزامن اليوم الأحد مرور مائة عام على ميلاد المخرج الكبير يوسف شاهين، والذى يعد من أهم مخرجى السينما المصرية بسبب خروجه خارج الصندوق بأفكار مختلفة من خلال أفلام جعلته أكثر تميزا، وأصبحت أفلامه من أهم ما قدم في السينما المصرية وعلامة كبيرة في تراث الفن المصرى، كما أنه يعتبر صاحب بصمة لكثير من النجوم أمثال يسرا ونيللي كريم وخالد النبوي وغيرهم. وتطرقت يسرا في لقائتها للحديث عن المخرج الراحل يوسف شاهين باعتباره من الأساتذة الذين أثروا فيها خلال مشوارها قائلة: "يوسف شاهين أول مرة قابلته قلت له مش هعرف أشتغل معاك علشان خفت من الفشل وانه هيكون ليه أثر كبير عليا".وأضافت يسرا: "يوسف شاهين طلب منى أغير لون شعرى من البلوند إلى الأسود فرديت عليه انى هبقى وحشة، ولكنه صمم، ولما ادانى "ورق حدوتة مصرية" قريته 10 مرات مفهمتوش خالص، وهو الأول كان عارض عليا الأول دور الأخت وأنان قلت له إنى عاوزة دور مراته ورحت معتذرة له وعملت حاجات علشان يكرهنى وميكلمنيش تانى".وتابعت يسرا: "بعد 3 شهور وانا كنت قاعدة عند خالتى ونايمة لقيت واحد داخل عليا (يوسف شاهين) الأوضة وبيصحينى فجأة ويقولى قومى علشان عندنا تصوير الفيلم، والبسى عقبال ما أعملك القهوة، وكمان فتح الدولاب ونقى كل اللبس بتاع الشخصية فى الفيلم وقلت له حاضر يا أستاذ وعملت الفيلم بنفس الملابس اللى اختارها".
