سيطر النجم محمد إمام، على محركات البحث خلال الساعات الماضية، تزامناً مع تصريحاته التي ادلي بها عن النجم الأعلى اجراً في الوسط الفني، مجدداً التريند الذي اطلقه منذ عدة أسابيع عبر منصات السوشيال ميدياً، واصفاً والده النجم الكبير عادل إمام نمبر وان. وقال إمام عن السوشيال ميديا، "مهمة جدا، والنجاح مش لواحد بس، النجاح بيعم علينا كلنا، والعمل بيكون منظومة كاملة وراه ناس كتير، انا جيلي كله احنا حبايب وكلنا شغالين علشان نبسط الجمهور، سيبك من موضوع المنافسة كلها لصالح الجمهور". وعن تصنيف الأعلى اجراً ونمبر وان، قال إمام :"نمبر وان مفيش حد غير عادل امام، واحنا كشباب كل واحد شايف نفسه نمرة واحد والأعلى، ودا لصالح الناس، علشان بيخلي الواحد يطلع اعلي ما عنده"، مضيفاً :"لما بشوف فيلم حلو، بتمني اعمل احلي، وعجبني الشباب اللي لسه طالع زي فسلم سيكو سيكو، كريم عبد العزيز واحمد عز احنا تلاميذ بالنسبة الهم". محمد إمام: عادل إمام ما زال أعلى أجر فى الوطن العربى وقال الفنان محمد إمام عبر صفحته على موقع فيس بوك منذ عدة اسابيع: "طيب علشان بس نحسم الجدل لأن في تصريحات نزلت على لساني أنا ماقولتهاش.. عادل امام هو ما زال أعلى أجر في الوطن العربي وما حدش مننا يقدر يقرب للرقم بتاعه.. وفي نجوم كبار في السينما بيجيبوا أعلى الإيرادات ونجوم متألقين بيدغدغوا الدنيا في المسلسلات بيتقاضوا أعلى الأجور.. بس ده ما يمنعش إن أنا برضه الأعلى أجر فيهم تحياتي لكل زمايلي الفنانين.. كلنا بنبذل اقصى مجهود عندنا علشان نسعدكم .. ربنا يوفق الجميع والبوست ده هزار مع صحابي والناس اللي بتحبني علشان مش عاوز دوشه". وينتظر محمد إمام عرض فيلم شمس الزناتي بطولة محمد إمام، وباسم سمرة، ومحمود عبد المغنى، ومحمد ثروت، وأحمد خالد صالح، وخالد أنور، واحمد عبد الحميد، وسارة بركة وإسلام خالد، والفيلم مستوحى من العمل السينمائي الشهير الذي يحمل نفس الاسم وقدمه الزعيم عادل إمام عام 1991، حيث تدور أحداث النسخة الجديدة قبل 15 عاماً من أحداث الفيلم الأصلي؛ لتكشف عن البدايات الأولى لتكوين فرقة الزناتي. محمد إمام يعود للعمل مع المخرج أحمد خالد موسى في السينما بعد سنوات من تقديمهما فيلم "لص بغداد" الذى تم عرضه عام 2020 وحقق نجاحاً لافتاُ وقت عرضه في صالات السينما، وشارك في بطولته ياسمين رئيس، أمينة خليل، محمد عبد الرحمن توتا، فتحي عبد الوهاب، أحمد العوضي، بيومي فؤاد، سعد المختار وضيف الشرف أحمد رزق.
