41 دقيقة منذ Rodyna Emad Elmansy البرازيلي إندريك إندريك، الموهبه البرازيليه الصاعده، يواجه موسم أول صعب مع ريال مدريد، ماكان مثل ما تخيل اللاعب كان عارف إنه ما راح يلعب كثير، لكن الواقع طلع أصعب بكتير من توقعاته، وخلاه يعيد التفكير في مستقبله. اللاعب، بحسب الصحفي المعروف خورخي بيكون من “Relevo”، قال لإدارة الريال قبل كم شهر إنه ما عنده مشكله يطلع إعاره الموسم الجاي 2025/26، لو ما تغير وضعه الحالي. إندريك عنده هدف واضح، يبغى يحجز مكان مع منتخب البرازيل في كأس العالم 2026، وعلشان كذا محتاج يلعب بإستمرار ويتطور. رغم إنه ما شارك كثير، إلا إنه لما لعب كان مؤثر، سجل 7 أهداف بمعدل هدف كل 86 دقيقه، رقم ممتاز للاعب عمره صغير ولسه بالبدايه بس هذا كله ما غير شي كبير في وضعه مع الفريق. كارلو أنشيلوتي، مدرب الريال، ما يعتمد عليه إلا في مباريات الكأس، وفعليًا لعب أساسي أربع مرات بس وهذا الشي مأثر على نفسيته ومخليه يحس بالإحباط، خاصة وإن الهجوم فيه أسماء قويه ومنافسه صعبه. إندريك اليوم قدام مفترق طرق، يا يصبر ويحارب عشان مكانه، يا يختار الإعاره عشان ياخذ فرصته ويتألق أكثر قبل المونديال.
