كتب أحمد عبد الرحمن

استضاف الإعلامى أحمد فايق، ثلاث طلاب كانوا من أوائل الثانوية العامة، وحاليا سيصبحون مهندس المستقبل، وطبيب المستقبل، وإعلامية المستقبل، لتقديم نصائح لطلاب الثانوية العامة، ببرنامج "مصر تستطيع"، عبر قناة "DMC".

وقالت نوران محمد عادل من أوائل الثانوية العامة أدبي 224، وحاليا طالبة بكلية الإعلام، إنها اختارت الالتحاق بجامعة حكومية، ولم تلتحق بجامعات خاصة، لأنها لا تجد المجالات التي تناسبها، مشيرة إلى أنها كانت في حيرة لاختيار الكلية، ولكنها رأت أن تختار مجال الإعلام، لحاجتها العمل في العلاقات العامة.

من جانبه، أوضح أحمد تامر صلاح الدين من أوائل الثانوية العامة علمي رياضة 2024، طالب في كلية الهندسة الجامعة الأمريكية، أنه اختار الجامعة الأمريكية لتساعده في الدراسات بالدول الأجنبية.

وواصل: "التفوق مش حاجة أخدها دي بتاعتي وضامنها، أحاول أفكر أي حاجة محتاجها اسعى لها، ولازم أثبت نفسي، لو مشتغلتش على نفسي وأطور من نفسي، كل حاجة هخسرها، لازم أشتغل وأذاكر عشان أطلع مهندس كويس"، مردفا: "المذاكرة بإيدك أكتر ومستقلة أكتر في الكلية، مفيش حد هيقولك ذاكر، ولو هتنظم وقت هتتفوق".

من ناحيته، ذكر زياد مصطفى طالب بكلية الطب جامعة المنصورة والخامس مكرر علمي علوم 2024، أنه على قناعة أن الطب في الجامعات الحكومية به قامات علمية، وله هيبة، مشيرا إلى أن جامعة المنصورة لها سمعة جيدة وقريبة من منزله.

وأردف: "في الطب عندنا كم كبير جدا، المنهج اللي كنا بناخده بيولوجي في الثانوية العامة، مجرد محاضرتين في الكلية، والمجتمع اللي بتتعامل معاه بقى كبير، وانت بتدرس طب وتقدر تتعمق وتتوسع وتجيب المعلومة".