أصدرت مبادرة صحح مفاهيمك ، رسالة في يوم السياحة العالمى بضرورة احترام السياح، وجاءت الرسالة كالآتى: لما حد يجي بلدك.. بيكون ضيف والضيف له مكانة… له احترام… وله واجب الكرم.. السائح اللي بيزور مصر.. مش جاي علشان نعامله بجفاء… أو نستغله ده جاي علشان يشوف بلد عظيمة بلد حضارة، وتاريخ، وأخلاق. وتابعت : تخيل لو كل سائح رجع بلده وهو شايل في قلبه صورة جميلة عن مصر؟.. هيحكي عنها بحب، وهيرجع تاني، وهيجيب معاه ناس كمان وساعتها… مصر تكبر أكتر في عيون العالم. وأكملت : احترامك للسائح مش مجرد تصرف راقٍ ده في الحقيقة دعاية حقيقية لبلدك بابتسامة… بكلمة طيبة… بمساعدة بسيطة.. افتكر دايمًا…تصرفك مع السائح مش بيعبر عنك لوحدك ده بيعبر عننا كلنا عن بلد اسمها: مصر.
