فن / الجميلة

محمود عامر عن منتقدي زواجه في سن الـ 68: ما حدش يعرف ظروفي إيه علشان أتجوز دلوقتي

رد الفنان محمود عامر على منتقدي زواجه بعد تخطيه سن الـ 68 عامًا، قائلًا: "إيه اللي يضايق الناس في إني اتجوز، أنا مش قادر أفهم، أنا مخضوض وبحب الناس وبحب أسعد كل الناس". 

الفنان محمود عامر

وقال محمود عامر: هو كل شخص في الكون بيتجوز الناس بتسأله عندك كام سنة أنت أو العروسة، السؤال عن السن ده حاجة متخصش حد ولا هتفيد حد، أنا مواطن وإنسان عندي ظروفي الخاصة، وبمارس إنسانيتي زي ما ربنا سبحانه وتعالي أمرنا بأننا نتجوز.

وتابع محمود عامر: أي اللي يضايق الناس في إني اتجوز، أنا مش قادر أفهم، أنا مخضوض وبحب الناس وبحب أسعد كل الناس، فـ ليه الناس مستكترة عليا إني أسعد بحياتي الخاصة.

زواج محمود عامر

وأضاف محمود عامر، أن هناك حكمة تقول من حسن خصال المرء تركه ما لا يعنيه، معلقًا: أنت كزميل أو واحد بتابع فنان أي ذنب الفنان أن يسمع كلمة لا تليق أو فيها عدم الاحترام، البيوت مقفولة علي بعضها فأنت كمتابع يا تقول كلمة طيبة وتبارك يا متتكلمش.

وعلق محمود عامر على الشباب العشرينات الساخرين من زواجه، قائلا: أنت متعرفش ظروف الناس، هو أنا منعتك أنك تتجوز، أنت كشاب والظروف مش مساعدة، ليه متشتغلش يا أخي طب ما تشتغل على نفسك مفيش حد بيطلع مرة واحدة. 

واختتم محمود عامر حديثه قائلًا: أنت علشان تختار إنسانة وتكون من نصيبك وقسمتك لازم تتعب وتكافح، الجواز مش لعبة الجواز مسؤولية، وأنت كشاب لو عايز تعيش بحلال ربنا هيرزقك.

إذا أعجبكِ هذا الموضوع إقرئي أيضًا : أنتو مالكم.. الفنان محمود عامر يوجه رسالة لمنتقدي زواجه في سن الـ 68

ملحوظة: مضمون هذا الخبر تم كتابته بواسطة الجميلة ولا يعبر عن وجهة نظر مصر اليوم وانما تم نقله بمحتواه كما هو من الجميلة ونحن غير مسئولين عن محتوى الخبر والعهدة علي المصدر السابق ذكرة.

قد تقرأ أيضا