تصدر اسم المطربة شيرين عبد الوهاب تريند مواقع التواصل الاجتماعي المختلفة خلال الساعات الماضية، وذلك بعدما أعلنت رفضها التصالح مع شركة روتانا، وذلك خلال مداخلة هاتفية مع الإعلامي عمرو أديب في برنامج "الحكاية"، المذاع على قناة mbc مصر.
شيرين عبد الوهاب ترفض التصالح مع روتانا
وقالت الفنانة شيرين عبد الوهاب في تصريحاتها الأخيرة مع الإعلامي عمرو أديب: "أسفة أنا ضاع من عمري كتير أوي، ونجاحي الناس هي اللي عملته وبهديهم الأغاني بتاعتي ببلاش لأنهم يستحقوا ده، أنا فل شمعة منورة وكتر خير الجمهور على حبهم ليا.. وأنا مش محتاجة شركات أنا ماضية مع شركة ربنا".
وأضافت: "سجن النسا واحشني جدا ونفسي أجربه ومستعدة ليه"، ليرد عليها عمرو أديب، قائلا: "هو إنتي ناقصة يابنتي إنتي ممكن تبقى ملكة وتعملي فلوس قد كدة".
أردفت شيرين عبد الوهاب: "أنا بناشد بلدي إني مطربة كبيرة جدا عايزاها تحميني من الكلام اللي بيحصل دلوقتي، أنا كنت ساكتة الأول لكن أنا قرش وعندي سنان حامية جدا وبتطلع وقت اللزوم، ومهما عملوا وحذفوا الأغاني، هنزلها على البوتجاز.. مش عارفة إزاي ياخدوا مني 8 مليون جنيه والمحامي بتاعي معرفش شغال إي بالظبط.. بس أنا فلوسي كتيرة، وأنا قلبي وجعني من يومين من كتر النجاح اللي أنا محققاه وأنا ربنا كرمني أوي أوي".
شيرين عبد الوهاب تكشف تفاصيل أزمتها مع شركة روتانا
وكشفت المطربة شيرين عبد الوهاب تفاصيل أزمتها مع شركة روتانا، قائلة: "أنا تعاقدت مع شركة روتانا ومع احترامي للشخص اللي معندوش شعر اللي اتكلم قال بعد ما خدنا ونضفنا ولمعنا، هي وخداني نجمة الوطن العربي، شيرين عبد الوهاب لو متعملهاش دعاية توازي حجمها دوليا وعالميا يعتبر العقد منتهي، سلمتهم أغنية كلها غيرانة نجحت جدا ومتعملهاش دعاية بنص جنيه، اتعلمت اسكت عشان شيرين بتاعة مشاكل.. إنتوا مستنين الأغنية الرابعة عشان تسألوا عن التنازلات".
وتابعت: "كان معايا شخص سلم أغنية ليا لشركة أنغامي ومشيته عشان أنا شغالة مع روتانا.. كلمت مدير روتانا في مصر وقولتله تعبت إنذار للشركة ووقف الأغنية وقضيهم وخد منهم تعويض، لكن بعتولي أنا وأخدوا مني 2 مليون جنيه رغم أنه مفيش ورقة يبين إني موافقة، وهما عايزين مني الحفلات بتاعتي الايف".
اقرأ أيضا: شيرين عبد الوهاب تفاجئ جمهورها بأغنيتها الجديدة ”ومازال عالبال”
ملحوظة: مضمون هذا الخبر تم كتابته بواسطة الطريق ولا يعبر عن وجهة نظر مصر اليوم وانما تم نقله بمحتواه كما هو من الطريق ونحن غير مسئولين عن محتوى الخبر والعهدة علي المصدر السابق ذكرة.