فاجأ تامر حسني، مجموعة من الأطفال ظهروا في برنامج Shark tank يستعرضون مشروعهم الخاص، بعروض غير متوقعة، ونشر مقطع من البرنامج عبر حسابه الشخصي على تطبيق تبادل الصور إنستغرام وجه فيه رسالة للجمهور.
وفي رسالته عبر تامر حسني عن دعمه الكامل لأطفال شارك تانك، وفخره بهم، بعد أن نجح الأطفال الثلاثة في لفت الأنظار لهم وإقناع لجنة التحكيم بدعم مشروعهم الخاص.
دعم تامر حسني لأطفال برنامج شارك تانك
وكتب تامر حسني في رسالته لأطفال البرنامج: "الولاد الصغيرين دول محتاجين تحية كبيرة مننا كلنا والتحية ليهم و لمدرستهم و لأهاليهم وكل الشكر لShark tank.. وأنا أحب أقدم كل الدعم لهم أنا جاهز أحضر حفل افتتاح البراند و أغني free".
كما طلب تامر حسني من الأطفال إرسال عينات من متجهم الخاص للإعلان عنه مجاناً وكتب في تعليقه: "لو سمحتوا أبعتولي لبسكم أو قولولي بيتباع فين عشان أتصور بيه أنا، وآدم وتاليه و أمايا ولادي، و نعملكم إعلان برضو free".
كما وجه تامر حسني رسالته للجمهور قائلاً: "يا ريت الجيل الصغير يتأثر بالولاد دول، ويجتهد ويفكر زيهم بدال ضياع الوقت على الفاضي أو قدام التليفونات والآي باد بدون هدف أو تطور.. بجد الأهالي لازم تاخد وقفه مع ولادهم بعد الڤيديو ده ويعرفوا إن السن الصغير ده مبقوش أطفال، وينفع ينجحون فيه أوي".
حلقة برنامج شارك تانك
وخلال الحلقة أبهر الأطفال الثلاثة لجنة التحكيم بعد عرض مشروعهم، لإنتاج خط ملابس "هوديز" بمواصفات مميزة، وتصدر الأطفال "تريند" منصات التواصل الاجتماعي.
وبعد رسالة حسني ودعمه لهم تفاعل معه الجمهور معبرين عن إعجابهم بمواقفه الإنسانية التي لا تنتهي، ومن بين التعليقات: "عسل هم بصراحة وحبيت أسلوب كلامك وجرأتهم وثقتهم. مش مهم اللي بيبعوه أد ما عندهم ثقة وجراءة عجبتنى ده انا اتكسف واتلبخ اطلع أقول الكلمتين دول".
وأشاد متابعون بموقف تامر حسني في تعليقات منها: "مفيش أي حد ولا أي فنان بيدعم المواهب أطفال أو كبار غيرك و ده عشان أنت إنسان بجد وقلبك نقي وتحب الخير لكل الناس ربنا يبارك فيك". "المصري يا تامر يستطيع أنه يُبدع فى عدم وجود الإمكانيات المتاحة لمواطن آخر في دولة أخرى وأنت يا تامر مثال حي على ذلك اجتهادك وموهبتك وكفاحك ، فما بالك إذا توافرت له كل فرص النجاح ؟".
فيما جاءت بعض التعليقات الأخرى من بينها: "فكرة حلوة بس في ناس أكتر محتاجه دعايا ومستواهم اقل بكثير هم برضه الى حد ما تجربة بيعملوها واعتقد مستواهم المادي كويس يا ريت تشجع أصحاب الفكر اللي ما عندهم دعم مادياً للتسويق". "عندنا في مدارسنا المصرية عقليات مميزة جدا تفوق أعمارها، وتتفوق على من هم أكبر منهم سنا، لكن أكيد محتاجين دعم ومساندة وفي كتير ما بيعرفوش يعرضوا أفكارهم بسبب عدم المشاركة المجتمعية.. ولادنا بجد رائعين".
وتفاعل آخرون مع تامر حسني في تعليقات: "برافو تامر انا من جيل حليم مش من جيلك خالص، لكن باحترم فنك وتصرفاتك العامة خاصة آخر ٤ أو ٥ سنين ...وصلت لمرحلة نضج افتقدها غيرك من المشاهير.. انا أعرفك من الله يرحمه وائل المصري مدير أعمال نيكول سابا كان صاحبي وبيحكيلي عنك كتير بس ده تقريبا من ٢٠ سنة.. كانت بنتي مهووسة بيك!!!؟؟".
ملحوظة: مضمون هذا الخبر تم كتابته بواسطة ليالينا ولا يعبر عن وجهة نظر مصر اليوم وانما تم نقله بمحتواه كما هو من ليالينا ونحن غير مسئولين عن محتوى الخبر والعهدة علي المصدر السابق ذكرة.
