فن / اليوم السابع

عمر كمال بعد نجاح "يا محروقين مننا": أسعى دائما لتقديم أعمال فنية تليق بالجمهور

أعرب النجم عمر كمال عن سعادته الكبيرة بردود الأفعال الإيجابية التي تلقتها أغنيته الجديدة "يا محروقين مننا"، والتي جمعته بالنجم محمود الليثي.

وأكد عمر كمال فى تصريحات لـ""، أن تصدر الأغنية للتريند على مواقع التواصل الاجتماعي ومنصات الاستماع يعد دليلاً على تفاعل الجمهور وحبهم للعمل، مشيرًا إلى أن النجاح جاء التعاون المثمر مع الليثي وجهود فريق العمل بأكمله.

وأشار إلى أنه يسعى دائماً لتقديم أعمال فنية تليق بالجمهور وتعكس تطور الموسيقى الشعبية بأسلوب عصري.

وطرح مؤخرا كل من النجم محمود الليثى والنجم عمر كمال أغنية "يامحروقين مننا" على اليوتيوب، وهى من كلمات وألحان محمود العربي وتوزيع وميكس وماستر زيزو المايسترو .

وتقول كلمات الأغنية :
يا محروقين مننا
اهدو شياطكو وصلنا
اطلبوا المطافي بسرعه
النار والعه وربنا
اااه يحفيظ يحفيظ
بقا للدرجادي بنغيظ
عاملين راسكو براسي
اهدوا شويه ي يا تلاميذ
لما مقدرتوش علينا
قلتو ياما وعبتوا فينا
انتو تنزلو تحت واحنا
احنا رب الكون حامينا
كله جي يحك فينا
كلهم عينهم علينا
احنا ومفيش حد غيرنا
اه يا ويله اللي يعادينا
العبد لله ي بشر
فيرس نجاح وانتشر
كل اللي فكر  يوم يطلعلي
علي ضهره وقع اتكسر
بطلنا نعمل قيمه
لعيال ملهمش قيمه
يصعب عليك كدا يفقرك كدا
يطلع ابن لئيمه
في حد نفسي اقوله
يوم اسود يوم مشوفتك
ملعون أبوها معرفتك
هو انت ناسي لما جيتلي حافي وانا
خدتك انا نضفتك
كان وشه نحس عليا
البومه ابن الفقريه
من يوم مدخلتك ف حياتي وانا
ماشي بالادويه
ياللي خنتو مع السلامه
نتقابل يوم القيامه
مش هسامح مهما يحصل
اصل كله الا الكرامه

انتو فعلا ناس ابطال
بس م النوع البطال
احنا نمشي يمين ف حالنا
وانتو ف السكه الشمال
نص الكوكب ده بتاعنا
والنص التاني تبعنا
نمشي يا ناس كدا نتدلع كدا
ومحدش يلوي دراعنا
يجي غيرنا مفيش زينا
ولا فيه اجمد مننا
النيه سالكه ومعانا ماشيه
علشان بتوع ربنا

ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.

قد تقرأ أيضا