كتب الأمير نصرى

قدمت الدكتورة سمر كشك الاستشارية النفسية، روشتة ذهبية للنجاح والتميز، قائلة:"فى ناس كتير ناجحين وعلشان تنجح بتحط خطوات معينة لنفسك وتفضل ماشى عليها، وبتشوف إيه هى اهتماماتك، وإيه المجال اللى ممكن تبدع فيه، وتوضع أهداف لنفسك لازم توصلها وعينك على يوم النجاح".

وأضافت الدكتورة سمر كشك خلال حلقة برنامج "سلام نفسي" والمذاع على قناة الناس، أنه كى تكون مميز يجب أن تبحث عن الأشياء التى تجعلك مختلف عن الآخرين، وتنافس نفسك بتاعة إمبارح، والناجح بيدور على الناس اللى حواليه علشان ينافسهم، والمتميز والمميز بيدور على نفسه القديمة علشان ينافسها".

تابعت سمر كشك:" التميز والنجاح يكون بالاجتهاد فى الدراسة أو الموهبة ودعمها، والبحث عن المعلومة ومعرفة خبرات الآخرين، وعلشان أكون متميز لازم أوصل للحاجات اللى غيرى موصلهاش، مؤكدة :"أوعى تستقل بنفسك ولا بإمكانياتك".

قناة الناس قناة دينية اجتماعية تُعنى بكل ما يهم الناس من أمور دينهم ودنياهم، وترسخ الوعى الدينى الصحيح والقيم والأخلاق بمنهج وسطى رشيد.

وتهدف القناة إلى تحقيق الريادة الإعلامية الدينية، كآلية من آليات الحفاظ على مرجعية مصر فى الفكر الدينى المعتدل، من خلال نشر الوعى الدينى الرشيد وترسيخه فى كل ما يتعلق بالمجتمع من أمور دينه ودنياه، والحفاظ على الهوية وتعزيز الانتماء الوطني.