ناس كتير من مستأجري الإيجار القديم بيدوروا دلوقتي على موضوع الوحدات البديلة بعد تطبيق قانون الإيجار القديم.
القانون أكد ان المستأجر الأصلي أو اللي امتد له العقد ليه حق يتقدم بطلب رسمي للحصول على وحدة بديلة إيجار أو تمليك من وحدات الدولة.
بشرط تقديم إقرار بإخلاء وتسليم الشقة القديمة فور استلام الوحدة الجديدة.
الأولوية بتكون للمستأجر الأصلي أو الزوج أو الزوجة اللي امتد لهم العقد قبل تطبيق القانون بعام واحد على الأكثر.
ومن الشروط كمان ان يكون المتقدم مقيم فعليا في الوحدة وما يكونش سايبها مقفولة أكتر من سنة وما يكونش مالك وحدة تانية صالحة لنفس الغرض.
الوحدة البديلة لازم تكون نفس الغرض وفي نفس المحافظة.
والقواعد التفصيلية للتقديم وترتيب الأولويات هتحددها الحكومة بقرار رسمي خلال شهر من تطبيق القانون.
المصدر: بانكير
ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.
