فى الثمانينات ظهرت إشاعة قوية محدش عارف مصدرها فيلم سيكو سيكو لوردة والغريب انك تسأل الناس يقولوا اتفرجوا على الفيلم ووردة اخر الفيلم قالت سامحنى يا جمهورى ده نص مليون دولار وعادل ادهم كان بيقول كرباج يا قطة.. الناس كلها اقتنعت ان فى فيلم لوردة اسمه الكوتشينة متصور فى لبنان واتحدى اى حد يكون شاف الفيلم ده
طيب مين مصدر الاشاعة؟؟ حضرتك بتتكلم فى زمن مفيش سويشال ميديا يعنى معنى أن إشاعة زى دى مصر كلها تتكلم عنها ان الموضوع وراه مؤسسة ضخمة بتمول مصدر الاشاعة.. وطبعا الخبر وصل لوردة واسرتها ودى مش اول إشاعة طلعوا عليها إشاعة تانية ان فى علاقة بينها وبين المشير عبد الحكيم عامر وده كان الرجل رقم اتنين فى مصر بعد عبد الناصر… عبد الحكيم عامر كان مقضيها مع برلنتى عبد الحميد وعشان يغطوا عليها قالوا وردة وفى النهاية الناس عرفت الحقيقه.. الفنانة وردة من أجمل المطربات ومن أجمل الأصوات
اسمها الحقيقي وردة فتوكي المشهورة باسم وردة الجزائرية (22 يوليو 1939 – 17 مايو 2012) مغنية جزائرية حاصلة على الجنسية المصرية تعدّ من أبرز المطربات من جيلها تعاملت مع كبار الملحنين منهم فريد الأطرش ومحمد عبد الوهاب ورياض السنباطي وعمار الشريعي ومحمد القصبجي ومحمد الموجي وسيد مكاوي وبليغ حمدي وكمال الطويل ومؤخرا صلاح الشرنوبي وحلمي بكر…
أفلامها
1962: ألمظ وعبده الحامولي مع عادل مأمون
1963: أميرة العرب مع رشدي أباظة وفؤاد المهندس
1973: صوت الحب مع حسن يوسف وعماد حمدي
1974: حكايتي مع الزمان مع رشدي أباظة
1977: آه يا ليل يازمن مع رشدي أباظة ويوسف شعبان
1994: ليه يا دنيا مع محمود ياسين وصلاح السعدني
مسلسلات
قدمت مسلسل أوراق الورد مع عمر الحريري، وشاركت بمسلسل الوادي الكبير ومسلسل آن الأوان من تأليف يوسف معاطي وإخراج أحمد صقر، جسدت فيه شخصية سيدة تملك شركة إنتاج كاسيت تقف بجوار الأصوات الجيدة، وهو قريب من سيرتها الذاتية..
توفيت في منزلها في القاهرة في 17 مايو 2012 إثر ازمة قلبية وكان منظر شحن التابوت فى المطار شئ مؤلم لفنانة كبيرة ودفنت في الجزائر ووصلت في طائرة عسكرية بطلب من رئيس الجمهورية عبد العزيز بوتفليقة..
كان معروف عنها الكرم وحب الناس ورحلت بجسدها ولكن بقيت روحها الجميلة في قلوب محبينها