قالت الإعلامية عزة مصطفى: “عندنا في مصر مناطق بحالها، مش شوارع، المصريين سابوها ومشيوا، لإن اللاجئين سيطروا عليها، ورفعوا الإيجارات بشكل مرعب، وبالتالي المصريين مش قادرين يدفعوا زي اللاجئين”.
عزة مصطفى تكشف فاتورة تواجد اللاجئين في مصر
وتابعت خلال برنامج “صالة التحرير” المذاع على قناة “صدى البلد”: “اللاجئين مشكلة على المستوى الرسمي وبتكلف الدولة سنويا 10 مليار دولار، وده وفقا لتصريحات رئيس الوزراء الدكتور مصطفى مدبولي، ولكن على المستوى الشعبي الموضوع أكبر من كده لدرجة إن فيه مناطق كاملة في فيصل والمعادي ومصر الجديدة بقت خالية من المصريين”.
أزمة اللاجئين في مصر تتسبب في رحيل المصريين عن سكنهم
وأضافت: “اللاجئين بقوا موجودين في مناطق كتير في مصر وبكثافة بنلاقي شوارع ومحلات وخدمات وشقق ناس سابت كل ده لإن بقى العرض من اللاجئين على أصحاب هذه الأماكن بأسعار المصريين مش قادرين عليها فسابوها وراحوا حتت تانية، الموضوع خطير ومحتاجة معالجة وإن إحنا نتكلم وبصراحة”.
رسالة قوية من عزة مصطفى للاجئين في مصر
ووجهت عزة مصطفى رسالة للاجئين الموجودين في مصر وبكثافة، قائلة: “يا بخت من زار وخفف، فيه مناطق المصريين هجروها بسبب اللاجئين وبنقول هل ده يرضي ربنا، لما فيه مصري يخرج عن القانون أو النظام الكل بيمسكه ونقعد نجلد فيه يبقى المسألة مينفعش تبقى بدون ظابط ولا رابط”.
