قالت الفنانة كندة علوش إن محمد صلاح نجم منتخب مصر وليفربول الإنجليزي اتصل بها أكثر من مرة للاطمئنان على صحتها ودعمها، بعد معرفته بخبر إصابتها بسرطان الثدي. وأضافت كندة مع الإعلامية منى الشاذلي عبر قناتها على يوتيوب، إنها فوجئت باتصاله وسعدت به كثيرا، متابعة: “محمد صلاح عرف من حد إني تعبانة فحصل على رقم هاتف زوجي عمرو يوسف، وكلمه يطمن عليا”.وتابعت: “صلاح قال لي في أي لحظة أنا بيتي في لندن موجود لو هتيجوا تعملوا فحص، ولو محتاجين أي حاجة ولو عاوزين تبعتوا لي الفحوصات وأنا أعرضها على الأطباء في لندن”.
وأردفت:”اتصل صلاح مرة تانية بعمرو زوجي وكلمني وقالي أخبارك إيه، قلت له ازيك أنا كويسة جدا ومبسوطة إني بسمع صوتك، وكنت في غاية السعادة”.وواصلت كندة علوش: “وصلاح وقتها قالي أنا بس بقولك إن ليكي عيلة وبيت في لندن لو احتاجتي حاجة مش هنتأخر عليكي لأنك غالية علينا كلنا.. ووقتها حقيقي أدركت هو قد إيه إنسان حقيقي وبسيط”.
