قال الفنان محمد علي رزق: “اتخضيت لما جالي دور مصطفى ضرغام في مسلسل صيد العقارب، لإني لما قرأت الورق لقيته الأصعب في العمل كله وده بشهادة كل فريق العمل”.
اعتذار عدد من الممثلين عن دور مصطفى ضرغام بصيد العقارب
وأضاف خلال برنامج “الراديو بيضحك” المذاع على الراديو 9090: “5 ممثلين اعتذروا عن دور مصطفى ضرغام في صيد العقارب، لأسباب مختلفة، وفي النهاية قبلت الدور بعدما أقنعني باهر دويدار اللي قال لي ده هيبقى دور عمرك، اأنا فكرت اعتذر وبعدين قلت أنا هاخد الموضوع تحدي شخصي”.
مذاكرة مرض الشلل الدماغي
وتابع محمد علي رزق: “احنا شغلانتنا فيها مخاطرة وأنا خاطرت لما وافقت على دور مصطفى ضرغام في صيد العقارب، وذاكرت مذاكرة طبيعية وجيبت فيديو من يوتيوب لدكاترة بتتكلم عن مراحل الشلل الدماغي واخترت المرحلة المناسبة للشخصية من 5 مراحل، واخترت المرحلة الثانية للمرض والإعاقة تكون في الجزء اليمين”.
محمد على رزق يطرد زوجته بسبب صيد العقارب
ولفت: “خلال أداء الدور أعصابي كلها كانت في الشمال ولما بدأت اتنشن أعصابي فجأة غصب عني بدأت ايدي تخلي رقبتي تلوح، وقعدت اتمرن تمارين على الوضع ده، وريم مراتي شافت معايا الويل خلال تدريبات الدور في البيت وأنا طردتها من البيت بسبب الشخصية”.وأكمل: “قلت لمراتي امشي من البيت اديني 4 أيام وروحي على حماتي لحد لما أحضر الشخصية وتعالى تاني البيت، وقلت لها عايز البيت فاضي، وفعلا تاني يوم لمت شنطتها ومشيت هي وابني يحيى”.
