مين كان يتخيل إن الرجالة هيبقوا منافسين شرسين للنساء في عالم العناية والجمال؟
بس أهو حصل.. تقرير جديد بيقول إن الرجالة صرفوا سنة 2024 بس حوالي 138 مليار دولار على مستحضرات التجميل والعناية بالبشرة.
رقم ضخم بس مش بيقف هنا.
الرقم ده متوقع يوصل لـ 141 مليار في 2025، وكمان 168 مليار دولار بحلول 2033.
يعني باختصار… الرجالة ما بتهزرش
وأكتر حاجة بيصرفوا عليها؟
العناية بالبشرة.. واخدة 33% من السوق.. بعدها تصفيف الشعر بنسبة 26%.. وطبعًا ما ننساش زيوت اللحية والمنتجات الطبيعية!
المفاجأة؟.. أكتر من 60% من المشتريات دي بتحصل أونلاين.. يعني من الموبايل للبيت.
شركات كبيرة بدأت تصمم منتجات مخصوص للرجالة، لأن واضح إن الموضوع بقى جد. إنت؟.. أو إنت.. إيه روتين العناية بتاعك؟
المصدر: بانكير
ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.
