الدقهلية – سارة الباز

انتشرت فوانيس وزينة رمضان في الشارع الدقهلاوي احتفالا باقتراب شهر رمضان الكريم؛ فكان على اليوم السابع أن يرصد الأجواء الرمضانية الجميلة في فروشات فوانيس وزينة رمضان أحد أهم مظاهر الشهر الفضيل، والتعرف على الأنواع الموجودة هذا العام، وأسعارها وأيها الأكثر مبيعا وطلبا من جمهور الدقهلية.

يقول حمدي أبو حسين، تاجر فوانيس في تصريحات خاصة لليوم السابع: (إحنا بنشجع الصناعة المحلية لأنها شكلها جميل وفي نفس الوقت سعرها على قد الإيد.. وإحنا لازم نشجع المنتج المصري على اختلاف أنواعه، فمثلا نجد الفانوس المصري الكبير المصنوع من الصاج والزجاج وقماش الخيامية يبدأ من 150 جنيها، ويوجد حجم أصغر من الصاج والباغ الملون بألوانه الزاهية له شمعة إلكترونية تفضل منورة طول الشهر نفرح بيها الطفل، وممكن يستخدم برده الشمع العادي فيها لو عايز بسعر 90 جنيها.

وأضاف: فيه فانوس مصري خشب تاني بنفس السعر، ويوجد حجم أصغر من الصاج الملون بـ 80 جنيها به إضاءة وأغاني رمضان الشهيرة، وفيه فانوس رمضان الصغير خالص على شكل ميدالية خشبية بـ 5 جنيهات، وفيه في منتجات السنة دي علب مناديل مخصصة لشهر رمضان المبارك مرسوم عليها الشخصيات الرمضانية الجميلة زي بوجي وطمطم وغيرهم، أو على شكل عربة الفول بعجلاتها ومكتوب عليها رمضان كريم بثلاثين جنيها فقط، وفيه برده خودديات رمضان على شكل الهلال والنجمة والفانوس بخمسين جنيها بقماش الخيامية عشان تدي روايح رمضان جوه البيت، وزواق رمضان بألوانه الجميلة، والعرايس على شكل كرتون رمضان زي بكار، وعم شكشك، وحبال النور والإضاءات بأشكال وألوان جميلة مختلفة موفرة للطاقة عشان ما تستهلكش كهربا كتير، وفيه استيكرات رمضان بعشرة جنيه وممكن يتغسل ويتعلق تاني على الحيطة عادي في السنة إللي بعديها، وطبلة رمضان المزخرفة بـ 15، و 20 جنيها).

وأوضح عم حمدي حسين لليوم السابع أن الأكثر مبيعا هو حبال زينة رمضان المصنوعة من القماش الخفيف على شكل وألوان الخيامية بتصميم شكل الفانوس كونها تجمع بين شكل الخيامية وشكل الفانوس المعلق في الحبال الخفيفة السهلة في التعليق، وإعادة استخدامها في السنة التالية وسعرها بسيط فقط 5 جنيهات للحبل الواحد، وأكثر الفوانيس مبيعا هي فوانيس الخيامية.

وأشار إلى أن الفوانيس الصيني أغلى من وبأشكال الشخصيات الكرتونية الأجنبية مثل: ميكي ماوس، وسندريلا.. الخ، أو الحيوانات الملونة.المصري 

وأوضح بأن هناك شكل خاص للفانوس المصري على شكل بوكس رمضان مصنوع من الخشب يحمل فانوس صغير وقلب أحمر ونجمة وهلال ودباديب، مزخرف من الخارج بشخصيات رمضان يفضلها الخطيب لتقديمها كهدية لخطيبته بمناسبة شهر رمضان المبارك للتعبير عن اهتمامه ومحبته بسعر 150 جنيها فقط.

أشكال فوانيس رمضان المصنوعة من الصاج

عم حمدي حسين بائع فوانيس

فانوس الخيامية

فانوس وعرايس الشخصيات الرمضانية

فرش زينة رمضان

فرش فوانيس رمضان

فروشات زينة رمضان

فوانيس رمضان

فوانيس شهر رمضان