كشف الفنان خالد الصاوى في تصريحات تليفزيونية، عن كواليس كثيرة في حياته الشخصية والفنية، وصرح عن العديد من النقاط، وكان أبرزها قال: في فترة معينة الممنوعات أخذتني أكثر مما ينبغي، وفجأة لقيت قلبي بينط برا صدري بطريقة بتقول إني هموت حالا، ومشكلتي الكبيرة ساعتها إني مش عايز أموت وفي فضيحة أمي لن تتحملها، عايز ألم البلاوي وأموت على نضيف لكن مش قادر أعمل حاجة".

وأضاف الصاوي: "دخلت السرير بالعافية، ولمدة 4 ساعات قلبي مش بيهدا ومش قادر أعمل حاجة، وفي الآخر لجأت لربنا وقلت سبحانك أرجوك أنقذني وأنا هغير حياتي، ومش هحط نفسي في الوضع المهين ده تاني، ومن باب الاحتياط خدني بس بلاش الفضيحة".

أوضح خالد الصاوي أن تلك الفترة كانت من الفترات الصعبة التي مر بها قائلا: "كانت أصعب لحظة، وكان عندي ظروف شخصية وعائلية ومهنية مش تمام، والحقيقة أنا السبب الأول، وأهم حاجة الواحد يواجه نفسه ويعترف بالخطأ".

كما كشف الصاوى : "أنا اتجوزت متأخر عشان قابلت الست اللي كنت مستنيها، وخطبت قبلها 3 مرات كل خطوبة شهرين تلاتة، وأنا مش مريح شوية، وعايز أقعد لوحدي وأعرف أستمتع لوحدي، وده في المعيشة المشتركة مش صح، ومراتي أحسن ست في العالم بالنسبالي".

كما صرح الصاوى: الفن أنقذني من الجنون والانتحار والإدمان والإلحاد والضياع عموما، وعمل طاقة نور خرجتني من إحساس القلق من إني مش متناغم مع الدنيا.