فاجأ الفنان أحمد العوضي، شريف الدسوقي، بعد رسالة تركها له الأخير في أحد البثوث المباشرة، وكلمات مبكية كتبها نجم مسلسل بـ100 وش على حسابه الشخصي على تطبيق فيسبوك. 

ووجه أحمد العوضي رسالة لشريف الدسوقي، ووعده بأن عمل فني يجمعهما قريباً، وأرفق وعده برسالة دافئة للغاية تفاعل معها الجمهور ورد عليها شريف الدسوقي.

رد أحمد العوضي على شريف الدسوقي

وكتب شريف الدسوقي لأحمد العوضي في رسالته: "لو سمحت عايز أشتغل معاك" ليفاجئه العوضي بالرد بكلمات غير متوقعة كتب فيها: "الزميل الغالي علي قلوبنا شريف الدسوقي انا مشفتش التعليق علي اللايف للأسف.. وطلبك علي راسي يا شريف انا اتشرف بالشغل معاك يا حبيبي وازيد بيك واعلي بيك.. وان شاء الله هيجمعنا عمل في الوقت القريب.. وانا من معجبينك يا شريف ومن محبين دورك الجميل مع الزميله الغاليه نيللي كريم في مسلسل ب ١٠٠ وش".

 وعبر الجمهور عن إعجابهم برد أحمد العوضي ودعمه لشريف الدسوقي في تعليقات منها: سيرتك كلها خير و نجاح و حب الناس محاوطك في كل مكان هات حد مممن ينزل وسط الناس و الناس تلتف حواليه بالاعداد دي و تديك كل الحب ده هات حد يقدر ينزل منطقه شعبية و ينزل ناسها ستات شيوخ اطفال تديك كل الحب اللي في قلوبهم هات حد اسمه في الشارع يرج الارض زيك مقياسك الحقيقي ناسك في الشارع الكومنتات مش مقياس للنجاح و الفشل و الا شركات السوشيال ميديا كانت عملة ملوك انت ملك في الشارع وسط الناس بحب الناس و دعمهم". 

وجاء في التعليقات: "عمرك سمعة عن ملك ركز في كلام الرعاع و المتأمرين الملك بيسمع لرعيته و شعبه اللي بيحبه و يفديه بحياته انت ملك وسط شعب بيحبك لا تنظر للمتأمرين دول قلة مندسه بين الجماهير العريضة حب الناس ليك بكنوذ الدنيا و خيراتها خليك شايف حب اخواتك لانهم بيحبوك من قلوبهم بأخلاص".

 رد شريف الدسوقي على أحمد العوضي

 في المقابل رد شريف الدسوقي عليه بكلمات: النجم الغالى اللى ساكن قلبى اقسم بالله..ماتتصورش فرحتى قد ايه انك قدرتنى ورديت عليا ..وعلى فكره انا عمرى ماطلبت من اى نجم انى اشتغل معاه الا انت..عارف ليه..عشان حبيت طبطبتك على قلوب الناس فى المبادره اللى عاملها عشان تكسبهم ويقدروا يعدوا الايام الصعبه.. ربنا يكرمك ويحميك ويصونك ويزيدك من نعيمه ياغالى وفى قلبى".

وكان شريف الدسوقي عبر عن حزنه العميق خلال الأيام الماضية من خلال مجموعة من الرسائل عبر حسابه الشخصي على تطبيق التواصل الاجتماعي فيسبوك  ومن بين هذه الرسائل: "أقر انا المدعو شريف دسوقي..اننى اكتشفت فى ازمتى النفسيه القاسيه التى كنت أعلنت عنها منذ ايام..اكتشفت ان ربنا وقف بجانبى وسندنى فوق الوصف بكل كلمه اتكتبتلى فى كومنت وبكل حد سأل عليا ودعالى وبكل حد حب يطمن عليا ويقوينى بكلمتين . والأجمل وده فيض،وكرم من ربنا ان اللى بعتولى سوى فى كومنت او ماسينجر او واتس اب او اتصال".

وأضاف: "اللى اول مره يكلموني اكتر من اللى اعرفهم قبل كدا..ولو أطول اعمل منشن للالاف اللى بعتولى كنت اعملها. لكن قلبى وكياني هايوصلهم كل الشكر والامتنان اللى فى قلبى ليهم. مليون محبه واحترام لكل حد بعتلى كلمه..اسماا اسم..وفرداا فرد.. والعجيب ان الشخصيه اللى اتسببتلى فى هذا الألم الشديد والذى لم اتعافى منه بعد..فأنا لست ماكينة انا بشر مثلكم..احس واحب وأشعر واتكلم واتالم وافرح واحزن".

وكرر شريف الدسوقي شكره لمحبيه بكلمات: "الغريب ان هذه الشخصيه اكتفى ان يرسل لى عبر الواتس اب ..انا اسف على اللى حصلك ولكن على قد المعزة. ضحكت من قلبى وماردتش عليه.. للمره المليون بشكركم من قلبى جميعا وبجد وبصدق ..طبطبتوا على قلبى بصدق كلماتكم الرقيقه اللى سكنت قلبى بجد.. من قلب قلبى بقولكم".

شريف الدسوقي يعترف!

وعبر شريف الدسوقي عن شعوره بالألم والحزن في رسالة وضع لها عنوان "اعتراف" وكتب: "بسم الله.. اعتراف.. انا قلبى موجوع وجع عمره ماعدى عليا قبل كده..اقسم بالله.. كنت بشوف جمله بيكتبوا بعض الأصدقاء على صفحتى.. انه نفسه فى يتحضن ويتطبطب على قلبه..وحد يقولى انت كويس ياشريف وعمرك مااذيت حد..بالعكس انا اتأذيت كتير وسامحت ياما".

وأَاف: "نفسى ربنا يرضى عنى وسامحني ويقربنى منه زى ماكنت.. انا اسف انى بقول كده او بصدر إحباط للاخريبن ..بس اتا متعود اكون كتاب مكشوف لكل الدنيا.. انا فجأه بلاقي نفسى بيكى بحرقه وبغزاره فى الدموع.. انا قلبى موجوع اوى ياجماعه".