مطعم زوزو ماضي
لأول مرة هتشوف الصورة دي هتكتشف علي طول إن الست زوزو ماضي كانت خايفة أوي من تقلبات الزمن
وحاولت تأمن نفسها في إمتلاكها لمطعم في شارع شريف..
مطعم يحمل إسمها و تكون مشرفة بنفسها عليه
خاصةً بعد ثبوت براءتها من إشتراكها مع طليقها في الإتجار بالمخدرات 1957 و قامت بتوزيع كل ملابسها الأنيقة الفخمة علي السجينات في الزنزانة اللي كانوا معاها من شدة فرحتها ببراءتها..

يمكن تكون زوزو ماضي حالة نادرة في زمانها من الفنانين إللي حاولوا يأمنوا نفسهم مادياً خوفاً من تقلبات الزمن
في وقت كان معظم الفنانين في ذلك الوقت ميعرفوش يعملوا حاجة في حياتهم إلا الفن و بس

وبرغم إنها كانت ساعات كتيرة تنزل السوق تشتري كل ما يلزم المطعم من خضار و فاكهة و كانت متعة بالنسبة لها

وهي مع كونها نجمة مهمة في تاريخ السينما و المسرح فهي أم للسيدة إيڤون ماضي أشهر مصممة أزياء مصرية في ذلك الوقت وكانت مصممة أزياء لكبار النجوم كأم كلثوم و شادية و فاتن حمامة

الست زوزو ماضي ملهمة الشعراء هي كوكتيل فن و ذوق و شياكة و إنسانية و ثقافة و جمال و حب و تاريخ حافل بكل ما هو راقي و أصيل.