متابعة بتجــرد: استذكر النجم اللبناني مروان خوري والدته الراحلة بكلمات مؤثرة، عبّر من خلالها عن اشتياقه وحنينه لها، وذلك عبر منشور شاركه على حسابه الرسمي في منصة “إنستغرام”، أرفقه بصورة قديمة جمعته بها.

وكتب مروان في رسالته: “يا إمّي… مرقوا ست سنين، ومطرحك بعده دافي بقلبي، بعده صوتك بيرنّ بذكرياتي، متل صلاة ما بتنطفي، وبعده حضنك أمان، حتى لو ما عاد موجود. يمكن الناس بتقول الوقت بينسّي، بس أنا كل يوم بكتشف إنّو الوقت بس بيوضّح قدّيش كنتِ عظيمة، قدّيش كنتِ نور بهالطريق المعتم”.

وتابع قائلاً: “كل غنية بغنّيها فيها منك نغمة، كل وجع بحسّو فيه منك بلسم، وكل لحظة فرح… ناقصة من دونك شوي. بس بعرف، بعرف إنّك سامعتيني… بعرف إنّك حوالَيّ، عم تبتسمي بصمت، وعم تهمسيلي: ‘كمّل… بعدك قادر تحب’.”

وختم مروان خوري رسالته بكلمات نابضة بالمحبة والوفاء: “سلام لروحك، يلي ما غابت… بس صارت أوسع، وأقرب من الهوا. بحبك يا إمّي… ورح ضل حبك كل يوم بصوتي، بصمتي، وبحلمي”.

وقد لاقى المنشور تفاعلًا واسعًا من متابعي خوري الذين عبّروا عن تعاطفهم معه ووجّهوا له رسائل دعم ومحبة، مشيدين بصدق مشاعره ووفائه لذكرى والدته.