متابعة بتجــرد: خرجت الفنانة منة فضالي عن صمتها، ووجّهت رسالة مطوّلة عبر حسابها الرسمي على “إنستغرام”، ردّت فيها على موجة الانتقادات التي طالتها في الآونة الأخيرة، بسبب ملابسها وسفرها المتكرر خارج مصر، وتحدّثت خلالها عن الصداقة والخيانة والمواقف الإنسانية التي تركت أثرًا كبيرًا في حياتها.
“الكلام ببلاش.. لكن الأفعال بمجهود”
استهلّت منة رسالتها بالقول: “إوعي تصدق اللي تقولك صاحبتي وأختي وحببتي، أو صاحبي وأخويا وحبيبي إلا لو كان بالفعل. أصل الكلام ببلاش، لكن الأفعال محتاجة مجهود”، في إشارة واضحة إلى ما وصفته بخيبات الثقة في علاقاتها.
وتابعت: “الفلوس حلوة وكل حاجة بس مش كل حاجة، لأنها مش بتشتري الصحة ولا الأهل ولا اللي فارقونا. في حاجات كتير أهم، صاحبك دراعك، وحبيبك قرشك، وأخوك صحتك… وربنا ما يحوج حد لحد أبداً”.
ردّ على انتقادات السفر والمال
وردّت فضالي على منتقدي أسفارها المتكررة بالقول: “حتقولولي بتقولي الكلام ده ليه دلوقتي وإنتي كل شوية في بلد؟ أقولكم الحمد لله، أنا اشتغلت كتير جداً وده رصيدي. يمكن حظي مش زي كل الناس بس أنا راضية باللي ربنا أدهولي”.
“لبسي لا يعني إني مش بعرف ربنا”
كما تطرّقت الفنانة إلى الانتقادات التي طالت إطلالاتها وملابسها، مؤكدة: “حتقولولي وانتي بتعرفي ربنا وانتي بتلبسي عريان؟ أقولكم أيوه، يمكن أنا عند ربنا أحسن من ناس كتير… بعمل خير من غير إعلان، واللي بيعمل خير مش لازم يقول. كفاية إني عمري ما أذيت حد، بالعكس أنا دايمًا اللي بتأذى”.
“أنا دايمًا لوحدي.. ومفيش أمان”
واختتمت منة فضالي رسالتها بنبرة حزينة، قائلة: “اللي عاوزة أقوله، محدش يعتمد على حد ولا يثق في حد في الزمن ده، النفوس وحشة أوي. علشان كده أنا دايمًا لوحدي أو مع أمي وكلابي، لأن مفيش حد له أمان. ربنا يحرس الجميع من شر نفوس الناس”.
وقد لاقت كلماتها تفاعلًا واسعًا بين متابعيها، الذين انقسموا بين داعم ومتعاطف، وبين من استمر في انتقادها رغم توضيحاتها.
ملحوظة: مضمون هذا الخبر تم كتابته بواسطة Bitajarod ولا يعبر عن وجهة نظر مصر اليوم وانما تم نقله بمحتواه كما هو من Bitajarod ونحن غير مسئولين عن محتوى الخبر والعهدة علي المصدر السابق ذكرة.
