بهاء نبيل - شيماء منصور

بدأت ندوة سامح سليم مدير التصوير المقامة ضمن فعاليات مهرجان الإسكندرية السينمائي لدول البحر المتوسط، بدورته الـ 41، والتي يديرها مدير التصوير حسين بكر رئيس المركز القومي للسينما، بفيلم تسجيلي عن أهم محطاته الفنية، وحضر الندوة سمير فرج مدير التصوير، الفنانة سلوي محمد علي، والمخرج التونسي رضا باهي.

تحدث مدير التصوير سامح سليم عن بداياته في المجال، قائلاً:"في البداية مكنتش عارف هكمل ولا لأ، وكنا بنشتغل مع ناس كتير علشان نتعلم ونكتسب الخبرة، لحد ما بتجيلك فرصة حقيقية تثبت بيها نفسك".

وأضاف سامح سليم: "في وقت بدايتي كانت السينما فيها إنتاج أفضل من دلوقتي، والفرصة مكانتش سهلة، لكنها كانت موجودة لأي حد قادر يثبت نفسه".

واستكمل: "أول فيلم اشتغلت فيه مكنتش قادر أحقق فيه كل طموحاتي، لكن لما جالي عمل تاني وكان فيه إنتاج وصرف أكتر على الصورة، بدأت أظهر فعلاً".

وأشار إلى أن فيلم "شورت وفانلة وكاب" كان نقطة تحول كبيرة في مسيرته، قائلاً: "الفيلم ده كان فرصة مهمة، وسافرنا فيه، وقدمنا صورة مختلفة شوية، وبعدها جالي فيلم "مافيا" وكان بداية مرحلة جديدة مع الأكشن، ومن وقتها بدأت الرحلة اللي كل فيلم فيها بيكون تحدي جديد، عمرنا ما بنكون عارفين النتيجة هتبقى إيه ولا هنعبر إزاي عن كل مشهد".

وتابع سليم حديثه عن أحد أهم أعماله قائلاً: "في فيلم إبراهيم الأبيض كنا متحكمين في كل تفاصيل الصورة من البداية، وده كان من أكتر الأعمال اللي عبرت بصريًا عن المضمون الدرامي".

وأضاف: "قبل ما السينما تبقى ملونة، كنا بنعتمد على الرماديات من أول الأبيض للأسود، وإزاي ممكن نخلق بيها ضوء وظل وتعبير درامي، كان هناك مشاهد استخدمنا فيها الظل في مشاهد التعذيب داخل أمن الدولة في عمارة يعقوبيان، فكان التعبير الضوئي فيها عامل أساسي". مشيرا الي ان الديكور دايمًا هو الأساس الحقيقي للسينما، لأنه بيدي مصداقية للمشهد ويكمل التكوين البصري".

مرة سمعت لقاء مع سعاد حسني انه مش مهم تطلع حلوة المهم ان الصورة تبقى مؤثرة زي ادائها وده بيدل علي انها ست واعية وفاهمة كويس وكان اهتمامها بالشكل الدرامي اللي هاتطلع بيه وعشان كده كانت مميزة بالنسبالي".

وتأتي هذه الدورة من مهرجان الإسكندرية السينمائى استمرارًا لدوره في الاحتفاء برموز السينما في مصر ودول البحر المتوسط، وتعزيز أواصر التبادل الثقافي والفني بين شعوب المنطقة، ويقام المهرجان هذا العام تحت رعاية وزير الثقافة الدكتور أحمد فؤاد هنو، والفريق أحمد خالد حسن محافظ الإسكندرية.