بهاء نبيل - شيماء منصور

تحدث سامح سليم مدير التصوير خلال ندوته المقامة ضمن فعاليات مهرجان الإسكندرية السينمائي لدول البحر المتوسط، بدورته الـ 41، عن صعوبات التصوير والفرق بين الماضي والحالي قائلا: "التصوير كان مسؤولية كبيرة جدًا، حتى مع بداية ظهور الديجيتال، المنتج لما كان يجيب مدير تصوير جديد كانت تعتبر مغامرة، لأن مكنش فيه كاميرا المخرج يشوف من خلالها اللي اتصور، فكانت كل المسؤولية تقع على مدير التصوير وحده".

وأضاف: "الزمن ده كان صعب، علشان مدير التصوير يطلع ويثبت نفسه لازم يشتغل الأول كمساعد وكاميرا مان، لحد ما يكتسب الخبرة والثقة، لكن دلوقتي الدنيا اتغيرت، بقى فيه طلاب في سنة تانية في المعهد عايزين يصوروا مسلسلات، وده فرق كبير جدًا بين زمان ودلوقتي، وزمان مديرين التصوير كانوا معروفين، وكل واحد كان ليه نوع الأفلام اللي يناسبه، وكانوا مصنفين كويس جدًا حسب طبيعة الأعمال اللي بيقدموها".

وحذر من تأثير التكنولوجيا الحديثة على الإبداع قائلاً: "الخوف الحقيقي إن فكرة الإبداع تضيع مع التطور الرقمي والديجيتال، لأن كل ما الصورة تبقى أسهل، ممكن التعبير الفني يقل".

وبدأت ندوة سامح سليم مدير التصوير، عرض فيلم تسجيلي عن أهم محطاته الفنية، وحضر الندوة سمير فرج مدير التصوير، الفنانة سلوي محمد علي، والمخرج التونسي رضا باهي.

تشهد دورة هذا العام مشاركة واسعة من حيث عدد الأفلام والدول المشاركة التي تصل إلى 46 دولة، حيث يعرض 131 فيلمًا ضمن 8 مسابقات، منها 7 مسابقات للأفلام ومسابقة للسيناريو.

وتأتي هذه الدورة من مهرجان الإسكندرية السينمائى استمرارًا لدوره في الاحتفاء برموز السينما في مصر ودول البحر المتوسط، وتعزيز أواصر التبادل الثقافي والفني بين شعوب المنطقة، ويقام المهرجان هذا العام تحت رعاية وزير الثقافة الدكتور أحمد فؤاد هنو، والفريق أحمد خالد حسن محافظ الإسكندرية.