أوضح الشاعر الغنائي تامر حسين حقيقة خلافه مع الفنان محمد فؤاد، بعد تسريب أغنية من ألبومه الجديد، قائلا: ""توضيح هام وآخر بوست فى الموضوع ده، عشان بعض السادة الإعلاميين والصحفيين سألونى النهارده ايه الخلاف اللى بينك وبين الفنان محمد فؤاد".

وتابع خلال منشور عبر صفحته على "فيسبوك": "مفيش أى خلاف والله والله إنى أحب الفنان محمد فؤاد جداً، ومن مُحبينهُ وأخ كبير لينا أنا عبرت عن زعلي من تسريب أغنية فقط أنا مضرور فيها، وبعيداً عن ضررى الفنان محمد فؤاد فوق راسي وأخ كبير ماحبش يبقىّ بينى وبينهُ أى مشكلة أو خِلاف سيبكم من الفن وسيبكم من أى شغُل".

وذكر: "يهمنى الإنسانيات والسيرة، وكنت شغال ف ألبومهُ من كُل قلبى والله وهو عارف وشاهِد أنا كُنت ب أفكر معاه ف الأغانى وأقوله ما تسمع من فُلان وفُلان وفلان كأنه ألبوم واحد صاحبى يهمنى ينجح ويكسر الدنيا، وكان بيقولى إنت زى اخواتى يابنى .. فا أتمنى ماتخلطوش بين زعلى من تسريب أغنية لا مِنها نزلت رسمي بصوت الفنان محمد فؤاد ولا بقيت مع حد غيرهُ لانها إتسربت"

واختتم تامر حسين حديثه: "ويبقى الود والإحترام والتقدير للفنان محمد فؤاد وأنا مِستنى ألبومه زى كُل جماهيرهُ، وأتمنىّ له كُل خير، ربنا ما يجيب زعل وللكبير دايماً مقامهُ وتقديرهُ".