سارة صلاح- وداد خميس

تحدث المخرج الكبير محمد عبد العزيز خلال ندوة تكريمه في مهرجان القاهرة السينمائي الدولي عن فلسفته في الإخراج الكوميدي، مشيرًا إلى أن الضحك بالنسبة له لم يكن هدفًا في حد ذاته، بل نتيجة طبيعية لتوصيل رسالة أو مناقشة قضية اجتماعية.

وقال محمد عبد العزيز: "كنت بحب أشتغل مع الأستاذ عبد المنعم مدبولي، وافتكر مرة قال لي: أنا عايز ألبس الجاكيت بالمقلوب عشان الناس تضحك أكتر، فقلت له: أنا مش عايز أضحك، الضحك لو جالي تمام" مجاليش المهم الرسالة اللي بنقدمها".

وأضاف: "التعامل مع الكوميديان صعب جدًا على المخرج الكوميدي، لأن الممثل الكوميدي لو فوت لحظة ممكن يسعى للإفيه ويبوّظ الموضوع، فلازم المخرج يكون منضبط ويضبط الفنانين اللي معاه في توقيتات الكوميديا".

وأشار المخرج الكبير إلى أن نجاح الكوميديا الحقيقي يعتمد على المضمون وليس المبالغة، موضحًا: «عايز أضحك؟ يبقى لازم أوصل الرسالة اللي تعبت أنا والسيناريست في صياغتها، والضحك ييجي على مهله، وده جربته في عشرات الأفلام ونجحنا".

وتابع: "ده كان أسلوبي في الكوميديا حتى في المسرح، كنت دايمًا في الكواليس أراقب وأتابع الممثلين وأعمل كونترول عليهم، لأن الهدف كان دايمًا الرسالة الاجتماعية اللي بناقشها، ويتولد الضحك من تصادم الشخصيات وردود فعلهم".

واختتم حديثه مؤكدًا أن مخرج الكوميديا يتحمل عبئًا كبيرًا، قائلًا: «مهمة مخرج الكوميديا شديدة الصعوبة، لأنها تحتاج توازن دقيق بين الإضحاك والفكر، بين اللحظة الإنسانية والرسالة اللي عايز توصلها".

وتضم القائمة الكاملة للأفلام المشاركة في الدورة الـ46 من المهرجان التي تُقام في الفترة من 12 إلى 21 نوفمبر برنامج غني ومتنوع يضم حوالي 150 فيلمًا من مختلف أنحاء العالم، تتوزع على 11 مسابقة وبرنامجًا مختلفًا، مما يعد بتقديم تجربة سينمائية فريدة للجمهور والنقاد.

المسابقة الدولية: 14 فيلمًا.
القسم الرسمي خارج المسابقة: 15 فيلمًا.
مسابقة أسبوع النقاد: 8 أفلام.
مسابقة آفاق السينما العربية: 9 أفلام.
مسابقة الأفلام القصيرة: 24 فيلمًا.
برنامج العروض الخاصة: 18 فيلمًا.
البانوراما الدولية: 18 فيلمًا.
برنامج عروض منتصف الليل: 5 أفلام.
برنامج كلاسيكيات القاهرة: 12 فيلمًا.
برنامج الأفلام المصرية المرممة: 21 فيلمًا.
برنامج البانوراما المصرية خارج المسابقة: 6 أفلام.