من يومين حصل حاجة في مصر لأول مرة تحصل
و هي زيارة رونالد إس لاودر لمصر
تاني اقوي شخصية يهودية في العالم سياسيا بعد بيستي بيرنز كورن رئيس منظمة أيباك أقوي منظمة ضغط سياسي يهودي علي حكومات العالم
و المتحكمة في اختيار رئيس الولايات المتحدة و وزير خارجيته ووزير دفاعه
انا واحد من الناس عمري ما كان يخطر علي بالي الزيارة دي
و لا من اي من اعضاء الكونجرس اليهودي اساسا
” عشان محدش يتوه مني
الكونجرس اليهودي العالمي ده منظمة مستقلة عن الكونجرس الامريكي “
كلمة كونجرس معناها اجتماع لغويا
لكن سياسيا معناها مؤتمر تجمعي مستمر
تم انشاء الكونجرس اليهودي العالمي سنة 1936 … لمواجهة هتلر و توجهاته ضد اليهود
بيتكون من مندوبين واعضاء من 100 دولة
و كلها شخصيات سياسية و اقتصادية قوية جداا في دولها
▪ عدد اعضاءه حاليا بعد التعديلات اللي قاموا بيها سنة 1992
حوالي 459 عضو
قائمين علي مصالح يهود العالم ” اللي مستحيل طبعا يكونوا 18 مليون نسمة زي ما معلن “
بيشكلوا جماعة من اقوي جماعات الضغط السياسي
الكونجرس ده هو اللي خرب بيت ألمانيا في حوار تعويضات الهولوكوست
و اجبرها انها لحد انهاردة بتدفع مبالغ سنوية باهظة لاسرائيل
كمان قدر يستولي علي 14% من ايرادات موازنة ألمانيا بداية من سنة 1954 لحد 1988 بحجة انها عوائد ثروات اليهود اللي أممها هتلر
وتحويل الاموال دي لموازنة اسرائيل
▪ كمان الكونجرس ده هو المسئول عن جذب المشروعات السياحية والاستيطانية لاسرائيل علي أرض فلسطين
و هما اللي بنوا منتجع نحشوليم اول منتجع سياحي في المنطقة العربية
علي عظام فلسطينيين قتلهم الاحتلال الاسرائيلي فق قرية الطنطورة في مدبحة شهيرة اسمها مدبحة الفريديس سنة النكبة 1948
▪ كمان الكونجرس ده هو اللي أسس شبكة تهريب الاموال و المجوهرات اليهودية من مصر سنة 56
اللي تزعمه ” إليون عذرا ” اللي هو الخواجة صروف بتاع مسلسل رأفت الهجان
و علي التوازي أنشأ مجموعة لإسقاط البورصة المصرية .. خاصة بورصة القطن
عن طريق مضارب يهودي من اللي نزحوا لمصر من المغرب اسمه عبيدور مانيت
عشان كده بقولك ان رئيس الكونجرس ده يجي مصر
دي حاجة مكنتش علي الخاطر و لا البال
لأن من ضمن بنود بروتوكول تكوينه
ان مصر وشعب مصر هم من أذلوا اليهود في قديم الزمان قبل الخروج
و ان المصريين أعداء يهوه
لدرجة انهم طلعوا شائعات ان هتلر له اصول مصرية
اول بند من بروتوكول تأسيس الكونجرس اليهودي العالمي وطننا هو اسرائيل القائم علي أرض كنعان ” فلسطين ” .. نحميه .. نؤزره .. نموله .. شاكرين عطايا الرب إلهنا أن سخر لنا السيد چيمس بلفور لمساعدتنا في انشاء وطننا القومي الأوحد
يعني الناس دي مؤمنة ايمان تام بإن فلسطين بتاعتهم و من حقهم
استكمال محضر الاجتماع بين الرئيس السيسي والسيد ليونارد إس لودر رئيس الكونجرس اليهودي العالمي
علي حسب كلام يسرائيل كاتس مع مارك روبيو امبارح
ان القوات اللي اتنقلت لسيناء مش قوات تأمين .. دي مجموعات قتالية ممكن تقتحم تل ابيب نفسها ” زي البلاك كوبرا مثلا “
و انه تحت زعم المساعدات
الجيش المصري دخل غزة
و ان الضغط الامريكي علي مصر .. مبقاش زي ضغط 1973 لما إلتزمت بوقف اطلاق النار ♀️♀️
” فاكرين اخر فويس اما قولتلكم اسرائيل عارفة كويس ان حربها مع مصر المرة دي فيها فناءها “
فناء اسرائيل بالنسبة لمنظمة سيون مش ارض و راحت و لا دولة و ضاعت
نوووو … ده انهيار لحلم الاخويات اليهودية في السيطرة علي العالم و تسيد العرق اليهودي للعالم
لذلك بيتحرك تاني أقوي شخصية ضغط سياسي يهودي و يجي لحد مصر و هو عاصر علي نفسه شوال لمون
و يقابل الرجل الذي قال لابن الشيطان لأ
عبد الفتاح السيسي مش واقف ضد امريكا و لا ترامب و لا بايدن
الموضوع أكبر من ذلك بكتيييير
طب رونالد لاودر يجي يقابل مولانا ليه :
▪ يا ترغيب و تقديم وعود اقتصادية
و محاولة رأب الصدع بين مصر وامريكا
و ده كان واضح من كلامه في المؤتمر الصحفي عن أهمية العلاقات المصرية الامريكية للمنطقة عامة .. و لأمريكا خاصة
” لأن ترامب اتهان فعلا .. و بقا شكله زي الزفت بعد رفض الريس لدعوة السفر .. وانه مش رايح يتناقش في أي اجندة تتضمن التهجير “
ف كان لازم يكون في وسيط يحاول يفتح قناة حوار جديدة بين ترامب و الريس
و مفيش افضل من رئيس منظمة بتروج لنفسها انها بتساعد اي حد يساعد اليهود في العالم
” نوع من انواع الرشاوي يعني “
▪ محاولة الوصول لكلمة صريحة من الريس هو انت عندك النية انك تحارب اسرائيل
طمنا الله يكرمك هو كل اللي عملناه ده ممكن يروح علي الأرض
” اصل يا عزيزي مصر اللي بتبقا دوما … يعني حاربنا نصف استعماريين العالم و بيندثروا و احنا اللي بنفضل
* طب لو حاربت معاك حلفاء و لا لوحدك .. و لا انت بتتصرف نيابة عن مصر فقط و لا منطقة و لا حكايتك ايه
” وهنا الرد كان عملي استدعاء ولي العهد الاردني لمقابلة الريس لمناقشة بعض الخطوات ” بعض الخطوات ” ده التصريح الاردني الاعلامي عن ذهاب الامير الحسين بن عبد الله لمقابلة الرئيس المصري
لاودر جي يقول للريس انهم عايزين يعملوا غزة منطقة اكثر آمنا و سعادة
منطقة استثمار و اعمار و سياحة و اقتصاد
و ان الفلوس موجودة
و ان نقل اهلها للخارج ده وضع مؤقت .. كاااام سنة فقط و بعدها يرجعوا يندمجوا مع المجتمع الاسرائيلي الدولي الاستثماري اللي هيكون هناك مستقبلا ” ليڤل الوحش من محن اليهود
و ان يهود العالم يسعون للسلام مع مصر
و رافضين لفكرة نشوب حرب بين مصر و اسرائيل اطلاقا … ده كمان معاهدة السلام بالنسبة لنا دستور دبلوماسي لنا مع العرب كلهم يا مستر بريزدنت سيسي يا اخويا
رد الريس ايه طب ده انت كده حليت لنا كل المشاكل اهو
– مش انت عندك فلوس اعادة الاعمار
– ايوووون عندي
– انا بقا عندي خطة اعادة الاعمار بدون تهجير اهل غزة … يلا تعالي انت بفلوسك و انا بإعماري و نخلوها جنة يا حج لاودر
و هنا كانت الصدمة
هو جي برسالة صهيونية في محاولة اثناء مصر عن رأيها
و الريس متمسك بموقف مصر في مسألة التهجير سواء لاهل غزة او الضفة
لكن الاستفادة اللي طلع بيها لاودر من اللقاء ان مصر لاااا ترغب ابدااا في اشعال حرب
ماداااامت اسرائيل ملتزمة بإتفاقية السلام و عدم التعدي علي السيادة المصرية
و ان مصر دولة ملتزمة بكل اتفاقياتها في كل الاتجاهات .. ولم يشهد تاريخها بخرق أي اتفاقية
” البهاليل بتوع عناوين فيديوهات وبوستات مصر تهدد بإلغاء اتفاقية السلام .. السيسي هيلغي كامب ديفيد ….. ازيكم بجااااا … مش نبطل هبل بقا ونفهم يعني ايه مصطلح سيادة الدولة والتزاماتها “
الصهاينة ضهرهم بقا للحيط مع مصر
و رموا اخر كارت لهم و هو الكونجرس بتاعهم
ومصر متمسكة بموقفها
لا هتستقبل الفلسطينيين في اراضيها .. ولا هتسمح بتهجيرهم قسرا
يبقا امامهم التهجير الطوعي او الترحيل بوعود و عطايا
و ده بقا الكورة في ملعب الفلسطينيين
احنا عملنا اللي علينا
و زيارة رونالد لاودر لمصر في نفس توقيت زيارة مارك روبيو للمنطقة و لاسرائيل
لا ترجمة لها إلا حالة الخوف اللي بتعيشها اسرائيل من احتمالية حدوث مواجهة عسكرية
و ان الريس أعطاهم كلمة ان مصر لن تسعي للحرب …. لكن عليكم انتوووووا تلموا اللي يخصوكم … و إلااااا ….
ملحوظة: مضمون هذا الخبر تم كتابته بواسطة متر مربع ولا يعبر عن وجهة نظر مصر اليوم وانما تم نقله بمحتواه كما هو من متر مربع ونحن غير مسئولين عن محتوى الخبر والعهدة علي المصدر السابق ذكرة.
