كتب سليمان النقر

حرص محمد صلاح قائد منتخب مصر ونجم ليفربول الإنجليزي على توجيه بعض النصائح للأجيال القادمة، ومنح خلاصة تجربة نجاحه ليصبح ملهما للأجيال الجديدة.

قال صلاح في تصريحات لقناة أون سبورت: "النصيحة إنك تكون مؤمن بالحاجة اللي بتعملها لما تكون صغير أو لو مش شايف الرؤية كاملة، ولو مكنش عندك الرؤية دي والثقة مش هتجيب الحاجة اللي انت وصلت لها والثقة والإيمان أهم حاجتين لو عايز تحقق حاجة".

استكمل صلاح: "عارف إني أنا هوصل، بس إزاي معرفش، ولكن مؤمن إن أنا هوصل، ولكن بكون واثق إني هكسبها، وقبل ما أنا بتخيل إني هكسبها وهوصل لها، ودي نقطة مهمة اوي بالنسبة للناس".

استرسل قائد الفراعنة: "الأب والام عايزين يشوفوا ابنهم لعيبة كرة، وحاولت مع بنتي تلعب تنس لكن هي مكنتش حابة كده وحياتها هي اللي تقررها، وأنا بس بعمل (سبوت) على كده، وأسيب لها هي تقرر عايزه إيه ولو الابن عمل الحاجة عشان الاب عايز كده مش هيحب كده".

وفي نهاية حلقته مع السير مجدي يعقوب حرص محمد صلاح على إبداء سعادته بالتواجد ضيفا مع بروفيسور القلب الشهير للحديث عن قصة نجاحهما، مؤكدا: "سعيد بتواجدي مع الدكتور مجدي يعقوب، وأتمنى أشوفك مرات تانية وسعيد بوجودي في حلقة معاك".