كتب سليمان النقر

كشف محمد صلاح قائد منتخب مصر ونجم ليفربول الإنجليزي قلبه بشأن الأمور التي تسعده والشيء الذي يتمنى أن تتذكره به الأجيال القادمة.

وقال صلاح في تصريحات لقناة أون سبورت: عايز الناس تفتكرني أني شخص أداهم أمل فى بكره وفخر.

وأوضح نجم ليفربول الإنجليزى: أكتر شيء يبسطني أني أكون في مكان وأحس أني على طبيعتي وأشعر براحتي وأني أشوف أهلي وأبويا وأمي، ولو ما روحتش البلد هما بيجولي لظروف ارتباطي بالمنتخب وعدم وجود وقت لزيارتهم في مسقط رأسي.

استطرد: أكتر حاجة بتديني انبساط وتخليني فخور وانا في مصر اني لما الناس بتشوفني بتتبسط وبحس بنظرة فخر وأمل وده بيديني حافز وبحس اني عملت حاجة كويسة وده حسس الناس بامل بفخر ودايما عايز الإحساس ده يوصل للناس.

واصل: مش دايما بشعر بإحساس إني حر من غير ما الناس تطلب تتصور معايا، وبشوف مصريين في أماكن كويسة في إنجلترا ودي حاجة حلوة.