لو ناوي تحجز شقة إسكان متوسط.. ركز معايا فاضل حوالي 8 أيام بس على فتح باب الحجز رسميًا لوحدات الإسكان المتوسط عبر منصة مصر العقارية.
الحجز هيبدأ من الثلاثاء 20 يناير لحد الأربعاء 21 يناير 2026، والحجز إلكتروني فقط، ومتاح بنظام التمويل العقاري لحد 20 سنة.
الوحدات موجودة في مدينة الإسماعيلية الجديدة وجاهزة على التسليم والمساحات بتبدأ من 124 متر لحد 144 متر.. أما الأسعار.. بتتراوح ما بين مليون و346 ألف لحد مليون و584 ألف جنيه حسب المساحة.
والحجز متاح للي سددوا جدية الحجز 250 ألف جنيه، واللي تنطبق عليهم الشروط الموجودة في كراسة المشروع.
لو مهتم، لازم تسجل على منصة مصر العقارية، تكمل بياناتك، وتختار الوحدة وتقدم أونلاين قبل ما المدة تخلص.
المصدر: بانكير
ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.
