أكد أيمن الشريعى رئيس نادى إنبى، أن محمود عبد المنعم كهربا راجع بيته ومن حقه على النادى إعادته للتألق من جديد، واتفاقنا معاه لنهاية الموسم وترك الحرية له لتحديد مصيره.

وقال أيمن الشريعى في مداخلة مع الإعلامى سيف زاهر في برنامج "ملعب أون" المذاع على قناة أون سبورتس: "حق كهربا على نادى إنبى "بيته" هو أننا نقف بجانبه ونعيده مرة أخرى للتألق، لأن كهربا أعطى لإنبى أكتر منى أنا، وليه حق نقف كلنا معاه، وعلاقتى قوية بكهربا من الطبيعى يعود لبيته".

وأضاف: "من رزق كهربا ونوياه الكويسة أن قرار عودة كهربا كان حمزة الجمل كان موجودا واتفق معايا على الرؤية دى، وقبلنا التحدي لإعادة كهربا من جديد للتألق، والبطاقة الدولية وصلت بعد التعاقد بساعة".

وتابع: "وجود كهربا حاليا في إنبى مرتبط بفكر النادى بزرع الانتماء في الناشئين، واللى حصل النهاردة مكانش تعاقد لأنه محدش بيدخل بيته بعقد، دا بيته وكلنا متفقين على هذه الخطوة".

واختتم: "اتفقنا مع كهربا لنهاية الموسم، على إعادته للتألق وهو من يحدد مصيره بعد الموسم دون شروط أو نسبة بيع أو له علاقة بالأرباح ولا التسويق، كل الحكاية إننا بنمى الانتماء داخل الناشئين، وهو مش هيلعب في إنبى ببلاش أكيد بمقابل".