ذكرت جريده السبورت الكتالونيه ان في اكتر من نادي سعودي مهتمين يتعاقدو مع لعيبة من برشلونه ففترة الانتقالات الجايه، وده بيجي في وقت البارسا بيحاول يظبط وضعه المالي بأي طريقه.
أول نادي دخل على الخط هو الهلال، واللي بدأ فعلاً مفاوضات مع إدارة البارسا علشان يضم البرازيلي رافينيا، خصوصاً إن مفيش اتفاق لحد دلوقتي بين اللاعب والنادي بخصوص التجديد، بسبب اختلاف على الراتب وفترة العقد.
رافينيا اللي مقدم موسم ممتاز والناس بتتكلم عنه كمرشح للكره الدهبيه، مش باين إنه ناوي يسيب الفريق دلوقتي، بس الهلال جاهز بعرض مغري لو اللاعب غير رأيه.
أما النصر، فبيبص على لعيبه كبار من الفريق، مش مجرد بدلاء، وبيفكر في ضم كوندي أو أراوخو، لكن برشلونه مش موافق دلوقتي.
بس أندرياس كريستنسن ممكن يكون خيار متاح بعد 30 يونيو، لأنه ممكن يبقى منفتح على اللعب في الدوري السعودي لو العرض كان مناسب.
نادي الاتحاد كمان عايز يدعم خط الوسط أو الهجوم، وركز على فرينكي دي يونغ، اللي كان في وقت من الأوقات ممكن يمشي، لكن دلوقتي الاتجاه إن اللاعب يكمل مع برشلونه ويتم تجديد عقده.
اللي باين إن كل حاجه ممكنه بعد نهاية الموسم، خصوصاً لو البارسا اضطر يبيع لاعبين بسبب الضغط المالي اللي عليه.
ملحوظة: مضمون هذا الخبر تم كتابته بواسطة لحظات نيوز ولا يعبر عن وجهة نظر مصر اليوم وانما تم نقله بمحتواه كما هو من لحظات نيوز ونحن غير مسئولين عن محتوى الخبر والعهدة علي المصدر السابق ذكرة.
