في مزاد علني صاير تحت إشراف مركز إنفاذ من وزارة العدل، تم بيع فندق صلاح الدين اللي يعتبر من أقدم الفنادق في مدينة الرياض، بمبلغ جاوز 170 مليون ريال، الصفقة هذي صارت حديث الناس، لأن الفندق له تاريخ طويل ومعروف عند أهل الرياض.

الفندق موجود في حي الملك سلمان على طريق الملك عبدالعزيز، وموقعه مره إستراتيجي، وتبلغ مساحته فوق 11 ألف متر، يعني سعر المتر الواحد جا قرابة 15 ألف ريال، وهذا يوضح أهميته العقارية وموقعه الحيوي.

فندق صلاح الدين مو فندق عادي، هذا من أوائل الفنادق الفخمه اللي انبنت في الرياض فـ السبعينات، وكان معروف بتصميمه الكلاسيكي وخدماته الفندقية الراقية اللي كانت نادره بهالوقت، كثير من المناسبات الرسميه والمناسبات الخاصه صارت فيه، واستضاف كبار الشخصيات من داخل المملكة وخارجها.

الناس لليوم تذكره، خصوصًا الجيل اللي عاصر فترته الذهبيه، وكان يعتبر مكان فخم يجتمع فيه رجال الأعمال والمثقفين والزوار، واليوم نقدر نقول إن بيع الفندق يجسد التغير اللي صاير في الرياض ضمن خطة تطوير شاملة.

الصفقة هذي تعكس كيف إن العاصمة قاعدة تتغير وتستعد لعصر جديد، بخطط تعميرية حديثه تتماشى مع رؤية 2030، واللي تهدف لتحسين جودة الحياة وزيادة الاستثمار بالقطاع السياحي والعقاري.

بإختصار، اللي صار لفندق صلاح الدين مو مجرد بيع، هو تحول وتاريخ جديد يُكتب لحي من أحياء الرياض.