حسب ما نشرته صحيفة سبورت الكتالونيه، المدافع الفرنسي كليموه لونغليه بلّغ إدارة برشلونه إنه وده يستمر مع أتلتيكو مدريد الموسم الجاي، ومرتاح مع الفريق ويرغب يكمل المشوار هناك. بس المشكله إن الأمور مو سهله وفي تعقيدات ماديه كبيره.
برشلونه طالب مبلغ 10 مليون يورو مقابل بيع اللاعب بشكل نهائي، ويشوف إن هالسعر مناسب بالنسبه لقيمته وخبرته، خصوصاً إنه لعب في أكثر من نادي كبير وعنده خبره في الليغا.
لكن من الطرف الثاني، أتلتيكو مدريد مو مقتنع بالمبلغ، ويقول إن برشلونه أصلاً راح يتخلص من راتب لونغليه الثقيل، فليش يدفع مبلغ فوقها؟ من وجهة نظرهم، الصفقة المفروض تكون مجانيه أو على الأقل بسعر أقل بكثير من اللي يطلبه النادي الكتالوني.
الايام الجايه راح تشهد مفاوضات حاسمه بين الإدارتين، وممكن تتغير فيها أمور كثيره حسب مرونة الطرفين لونغليه للحين معار للأتليتي لحد نهاية الموسم، بس مستقبله للحين مو محسوم، والقرار النهائي ممكن يحدد شكل دفاع أتلتيكو للموسم الجاي.
يبقى السؤال، هل برشلونه يتنازل شوي ويوافق على سعر أقل؟ ولا يتمسك بموقفه ويتجه لونغليه لنادي ثاني؟
ملحوظة: مضمون هذا الخبر تم كتابته بواسطة لحظات نيوز ولا يعبر عن وجهة نظر مصر اليوم وانما تم نقله بمحتواه كما هو من لحظات نيوز ونحن غير مسئولين عن محتوى الخبر والعهدة علي المصدر السابق ذكرة.
