بتبدأ مصر تشتغل بالتوقيت الصيفي يوم الجمعة 25 أبريل 2025، وده بيخلّي الناس تستفسر عن الساعات في تليفوناتهم، هل هتتغير لوحدها ولا هيحتاجوا يغيروها بنفسهم؟ في المقال ده، هنقول لكم كل اللي محتاجين تعرفوه عشان تضبطوا ساعتكم صح وبسهولة.

يعني إيه توقيت صيفي؟

التوقيت الصيفي هو نظام بيقدموا فيه الساعة لمدة ساعة عن التوقيت العادي في الصيف، والهدف منه تقليل استهلاك الطاقة وزيادة ساعات النهار.

في مصر، النظام ده بيتطبق من الساعة 12:00 صباحًا في آخر جمعة من شهر أبريل، والساعة بتتقدم لـ 1:00 صباحًا.

هل الساعة في الموبايل هتتغير لوحدها؟

الإجابة أكيد، لكن بشرط واحد:

– لو بتستعمل تليفون ذكي سواء أندرويد أو آيفون، وكان فيه إعدادات التاريخ والوقت “تلقائي”، التليفون هيغير الساعة لوحده وقت التغيير.
– لو الخاصية دي مش شغالة، هتحتاج تغير الساعة بنفسك.

إزاي تتأكد إن ساعتك هتتغير لوحدها؟

في التليفونات الأندرويد:

1 افتح “الإعدادات”.
2 اختار “النظام” بعدين “التاريخ والوقت”.
3 شغل اختيار “الوقت التلقائي”.
4 اتأكد إن المنطقة الزمنية مضبوطة على “مصر” أو “GMT+2” أو “Africa/Cairo”.

في التليفونات الآيفون:

1 روح “الأعدادات”.
2 اضغط على “عام” بعدين “التاريخ والوقت”.
3 شغل خيار “الضبط التلقائي”.
4 اتأكد إنها مضبوطة على “Cairo”.

لو الساعة متغيرتش لوحدها، تعمل إيه؟

لو حصل كده:
– غير الساعة بنفسك من إعدادات التليفون.
– اعمل Restart للتليفون عشان تتأكد إن الإعدادات اتحدثت.
– شغل النت أو خدمة اللوكيشن، لأن بعض التليفونات بتحتاجهم عشان تحدد الوقت بدقة.

ده كان تقريرنا النهاردة من “لحظات نيوز”، ونتمنى لكم توقيت صيفي مريح.