عالم بائسة.. وصلوا لمرحل في معارضة الرئيس السيسى إنهم بيحاسبوه علي حرارة الشمس.
وبعدين أصلا احنا كنا لسه بنحتفل إن رقعة مصر الزراعية زادت لـ 9 مليون خلال العشر سنين اللي فاتوا.. مش كنا لسه من شهر بنحتفل باستصلاح نص مليون فدان زراعات في الصحراء في مشروع مستقبل مصر، ولسه مليون فدان فيها. ومستهدف زيادة 5 ملايين فدان تانية في أماكن مختلفة و للوصول إلى 14 مليون فدان بنهاية 2030 ، وعدد المشروعات الزراعية وصل 320 مشروع بقيمة 40 مليار جنية واصلا مصر تستهدف مصر الوصول إلى نسبة 85% اكتفاء ذاتي من القمح بحلول عام 2030.
بلاش الاراضي الزراعية، حد سمع عن مبادرة زراعة 100 مليون شجرة، اللي اتزرع منها بالفعل 1.4 مليون شجرة في العام الأول للمبادرة .. ولسه حاليا بيتم زراعة 1.5 مليون شجرة في المرحلة الثانية، ده غير زراعة 500 ألف شجرة في قري “حياة كريمة”.
ومعلش يعني الناس اللي شغالة تريقة دي، زعلانين على الشجر آه لكن عادي لو عندهم أرض زراعية يجرفوها عشان يبنوا بيوت، ورغم إن الدولة حذرت من التعدي على الأراضي الزراعية وقررت إزالة المباني لأنها مخالفة وقتها نفس القنوات دي هاجمت قرار الدول الدولة. ما ترسوا على رأي..

وبعدين بالنسبة لهوجة التريقة بتاعة الطرق والكباري وهنعمل إيه بالعاصمة الإدارية، مصر أصلا قررت توسع الطرق لتخفيف الازدحام المروري والتكدس اللي كان في مصر قبل ٢٠١٣، وكانت مصر لولا التوسع في المدن الجديدة كانت هتتحول لجراج كبير، بمعدل تلوث في الهواء غير محتمل.
طب بالنسبة للموجة الحارة اللي هجمت على الكوكب دلوقتي وحرايق الغابات، السيسي السبب فيها برضو؟؟ وأوروبا اللي درجات الحرارة بدأت توصل لل ٣٥ درجة، شجرنا السبب؟!
أكيييد الشجر مهم، واللي يقول غير كدة يبقى مش بني آدم طبيعي، بس لما فجأة يطلع الموضوع يهاجمه الإخوان بعد ما بقينا المركز ال ١٨ في جودة الطرق، يبقى الموضوع مش موضوع شجر، لأن الإخوان عمرهم ما هيجيبوا سيرة الدولة غير للنقد وهدم فرحتنا بالتطوير اللي احنا فيه.. زي ما فيه شجر بيتشال عشان نوسع طريق، فيه شجر غيره بيزرع في أماكن تانية
افرحوا بالإنجازات يا جماعة.. متخلوش حد يضحك عليكم.