بصوا تعريف حنان مطاوع للحرية قد ايه جميل، حيث تقول ” أنا مش مؤمنه بالحرية المطلقة لأنه ما فيش حاجه فيا مطلقة، انا محدودة بجسمي و جسمي سير عمر وأسير زمن، انا محدودة بأرض لها حدود أينعم عندي حرية بس عندي قوانين، في قانون ليل نهار في قانون صيف شتاء ما فيش حاجه دايما” .

وتابعت: في قانون اسمه العمر انا لا املك حاجة حقيقية، انا لو أملك الحرية المطلقة سأربي ابنتي على الحرية المطلقة، انا عايزه بنتي تبقى ارادتها قوية يبقى عندها نضج بس لازم تعرف انه سيظل هناك حلال وحرام وغلط وصح مش أسيره لدرجه انها تتخنق وتكره ذلك.

واضافت زي ما في قوانين في الطبيعة في قوانين للبشر، في حاجات بنتي هتفهمها دلوقتي وفي حاجات انا هنفهمها في يوم من الايام، بس لازم تعرف ان في حدود دايما لكل شيء .

وأكدت إن اتباعي لربنا لا يحد من حريتي انما هو اعترافي بمحدوديتي امام مطلقه، لان ربنا لو عرّفني منطقه وحكمه في الاشياء انا مش هفهمه، لان ربنا مطلق وانا محدودة بس لو انا امنت به سوف اتبعه وافهم حكمه وقضاءه في الاشياء.

وأكملت: قياسا على ذلك ومع الفارق ـ لله المثل الأعلى ـ هكذا يكون تعاملي مع ابنتي في حاجات أفهمها لها بس في حاجات لأني بحترم عقله لأنها مش هتفهميها دلوقتي بس ثقي فيا اني بحبك .