الفنان حسن فايق .. من الفنانين اللى عندهم صنعة فى ايديهم يعنى مش راكن على فلوس الفن وبس، زيه زى بهيجة حافظ اللى كانت وقت الحرب العالمية بتشتغل فى توريد البقول والخضروات للجيوش، وزي المطربة بثينة محمد اللى اعتزلت الغنا وركزت فى شغل المزرعة اللى اشترتها، والراقصة امينة محمد اللى عملت مصنع لإنتاج الاوانى الفخارية، والهام حسين اللى فتحت معرض ملابس .

المهم عمنا حسن فايق بقى وبما انه كان صيدلى شاطر قرر انه يفتح صيدلية فى أول روض الفرج، وجاب صيدلى كبرة ابن حلال عينه مدير الصيدلية وسماها بإسم الراجل الكبرة ده، وفى وقت فراغه لما مكنش بيبقى عنده شغل كان بيروح فايق الصيدلية زى ما شايفين فى الصورة كده، يحضر شربة زيت أو يساعد مدير الصيدلية واللى شغالين فيها فى تحضير الروشتات..