وجهت الفنانة رولين القاسم، نصائح مهمة لكل السيدات اللاتي يشتكين من أزواجهن، وقدمت لهم الحل، حيث قالت:

طلع لي فيديو فيه واحدة بتقول انه بيجي لها شكاوى من سيدات بتقول أعمل ايه لو عرفت ان جوزي بيحب عليا ؟، فدي بقولها: يا اختي سيبيه يحب، عقبال ما يحبني زي ما هو بيحبها، الحب في حد ذاته جميل على فكرة.

وأضافت الراجل بطبعه فرفوش، ربنا خلقه كده جيناته الفرفشة والنعنشةـ ويعشق الست الرفوشة هو بقى ياخدها فرفوشه يقلبها نكدية بقدرة قادر، لكن الراجل بيحب يعيش وينبسط، أدي له فرصته يا كش يحب عليك العمارة كلها بس يحبك معاهم ـ شغال ماشي ـ  ما تبقيش ضيقة .

وتابعت: وبعدين سيبوا الرجالة في حالهم بقى يعني كفاية طفشانين أصلا وكحيانين من زمان، ومديونين العمر كله، وبيشتغلوا وما بيقبضوش، حاجات كتيرة قوي، فما تبقيش ضيقه وكامشة عليه، اللي هو أنت بتسمع اغاني يبقى بتحب، يا ريت يا أختي يحبوا أو يتحبوا بس المهم يحبك معاهم بدل ما هو قاعد لاوي بوزة ومكشر ومطلع عينيك ومخليكي تندمي على اليوم اللي إنتي اتولدت فيه.. سيبوا الناس تحب يا جماعة .