ظهرت الإعلامية ريهام سعيد دون ماكياج تكشف تفاصيل ما حدث لها على يد طبيب التجميل اللبناني نادر صعب وتشوه وجهها.

وخلال حلقة أمس من برنامج "صبايا"، الذي يعرض عبر قناة "هي"، قالت ريهام سعيد " كل الناس لما كانت تشوفني كانت تقولي مالك خاسة ليه كدا... كنت بعيدة تمامًا عن الناس؛ وكنت علشان أنزل محتاجة أحط 13 كيلو ماكياج وفي الاستوديو بنحط حاجة تدعم الوش وتخفي كل علامات الإجهاد ودي بفلوس كتير والقنوات بتأجرها لي".

أضافت: "ناس كتير أوي كانت عارفة إن حلمي التمثيل ومش الممثلة القديرة لكن كنت موجودة واشتغلت مع عمالقة وفي الدراما ميقدرش يمشي ورايا بفلتر ووقت ما حصلي كدا قولت خلاص ربنا مش عايزك تمثلي، ولو حد عاوزني في عمل هيقوله دي اتشوهت، كان في لحظات وحشة اوي".

ولم تتمالك نفسها من البكاء؛ وقالت ": آخر مرة روحت للدكتور عملي فيلر عشان في حفرة جامدة عندي، بس أنا هدوب الفلير وهتعرض على الطب الشرعي وهيلاقي الحفرة دي".

استعرضت "ريهام" آثار عملية التجميل التي خضعت لها على يد الطبيب اللبناني وقالت "عندي حفرة كبيرة تحت عيني وعيني بترمش كل 5 ثواني ومش بعرف أتكلم أوي عشان بقي مشدود زيادة عن اللزوم، في ناس كتير بتقول تستاهل عشان بتغير خلقة ربنا".

تابعت: "أنا عملت عملية تجميل عشان بحارب السن بس النتيجة كانت صادمة، أنا مكنتش هقول إني اتشوهت، مش حلو إن جمهوري يعرف أني اتشوهت، كنت بطلة على الهوا لابسة نضارة فاضية عشان تداري الحفر اللي في وشي اللي بانت كأني واخدة بلشة في كل حتة فيه كأني كنت في خناقة".

اقرأ أيضًا: «خالد سليم» يكشف تفاصيل محاولة قتله وتعرضه للسحر

استكملت: " شكلي مش أنا، في حتت بروحها بيقولولي اسمك إيه بقالي 10 شهور بلبس نضارات فاضية، ولو ملقتش نضارة في شنطتي بعيط ومنزلش من عربيتي.. هروح أرمي كل النضارات دي خلاص، مهو حمل وانزاح من هنا ورايح هتأقلم على شكلي الجديد والكل هيتأقلم بشكر كل واحد بيدمرني نفسيًا أكتر".