كشفت الفنانة شيرين عبد الوهاب، تفاصيل جديدة بأزمتها مع طليقها المطرب حسام حبيب، واتهامها له بسرقة 10 ملايين جنيه، بالإضافة إلى مقتنياتها. وقالت شيرين عبد الوهاب خلال تصريحاتها لـ القاهرة 24: حسام حبيب أخد مني 10 ملايين جنيه مقابل إنه يمسك إيدي ويطلعني المسرح، ويركب طيارات خاصة ويتخانق فيها. وتابعت شيرين عبد الوهاب: أنا كل شوية بتعاير بالفلوس دي، أنا عايز الفلوس لا مش عايزها، كلمني وقالي مش عايز الفلوس دي وهرجع الاستوديو، طب خدتها ليه واتعملك شيكات بيها ليه؟ عشان أنت بتعاير وبتقول كلام أنا بس اللي أعرفه ولكن الناس مش عرفاه، المحاسب عنده ما يثبت إن له 600 ألف جنيه دولار و3 ملايين جنيه عشان كده اتقال الرقم كله بالمصري. وأردفت شيرين عبد الوهاب: ومعاه شخص نصاب عينه يكون مسؤول عن حاجات كتير، وهو ده اللي سرق العربية والخزنة بتاعتي مش حسام، وبعت لحسام فويس قولتله أنا غلطانة في موضوع الخزنة لأني أنا اللي أهملت ومش هحاسبك على الخزنة أساسا، لقيته بيكلمني بيقولي هو أنتي اتسرق منك دهب، قولتله اه، قالي أنتي عارفه إن الشخص ده اشترى لأمي وباعلها عربية بدون ورق، واداله مليون جنيه بتاعت الحلقة اللي عملها في رمضان فجاي يحاسبه على شغله لقى إن حسام مديون له بـ170 ألف جنيه مصري.واختتمت شيرين عبد الوهاب حديثها: فين فلوس السنين اللي فاتت؟ ازاي ترشحلي واحد كده يشتغل معايا 4 سنين وأنت واخد مني 200 ألف دولار ودورك تحاسبه.

شيرين عبد الوهاب تستغيث من حسام حبيب

وفي وقت سابق استغاثت شيرين عبد الوهاب من حسام حبيب، كاشفة أنها تتلقى تهديدات من طليقها السابق، وأكدت أنها تعيش في حالة رعب بسبب هذه التهديدات والرسائل التي تتلقاها منه، قائلة: حسام حبيب بيهددني وبيتبلى عليا، أنا مش صغيرة وست عندي بنتين في أخطر مرحلة في حياتهم، بناشد المسؤولين، الراجل ده ضيعني وبيهددني ببناتي وبيقولي كلام يدخله السجن.

الأكثر قراءة