دافعت الفنانة روجينا، عن ابنتها مريم أشرف زكي، بعد حملة الهجوم التي تعرضت لها بعد مشاركتها في أعمال فنية كنوع من المجاملة لوالديها.وقالت روجينا خلال برنامج “الراديو بيضحك” المذاع على الراديو 9090: “مريم مش أول سنة تشتغل معايا، السنة اللي فاتت في مسلسل ستهم، كانت عاملة دور بنت من بنات الشوارع بدون مكياج وكان دور صعب جدا والناس كتبت عليها كويس أوي”.
دور جديدة لابنة روجينا
وتابعت روجينا: “مريم بنتي السنة دي بتعمل دور بنت من بتوع السوشيال ميديا اللي بيطلعوا لايف، وللأسف النقد اللي بتتعرض له مش نقد بناء دي ناس بتكره وبتبص للموضوع بتحفز سلبي ويقولوا هو انتي علشان مامتك وباباكي تمثلي”.
شخصية مريم أشرف زكي
ولفتت: “اللي عاجبني في مريم شخصيتها ان الهجوم اللي اتعرضت له مأثرش فيها ولو أنا كان زماني عيطت وموت نفسي واكتئبت، قالت لي هما شافوني اللي عاجبه تمام واللي مش عاجبه خلاص براحته”.وأكملت: “أنا جالي ذهول من رد فعلها على الهجوم اللي اتعرضت له، وهي فعلا شخصية قوية، وهي الحقيقة مش بتمثل علشان بنتي”.