قصه الخواجه اليوناني اللي عاش في الإسكندريه وفتح مع صاحب عمره المصري محل ورد واجبر كوكب الشرق ام كلثوم قبل ما تسافر من الإسكندريه تشتري ورد كل مره.
نكمل قصص اماكن عتيقه في الإسكندريه ونعرف قصص عنها.
النهارده هنتكلم عن اشهر محل ورد في الإسكندريه وعمره ١٠٤ سنه وهو بافيون دي فلوريل وديه جمله فرنساوي تعني بيت الزهور.
زمان ايام ما كان اليونانيين عايشين وسط المصريين وبيتقالهم يا خواجه كان ساعتها محلات الورد ديه ملك لاجانب عشان المصريين مكنوش بيهتموا في الوقت ده بنوعيه محلات الزهور بس اليوناني والمصري اتصاحبوا على بعض وفتحوا المشروع ده سوى وده يعتبر اقدم محل ورد في الإسكندريه وبعديه محل ورد اسمه زهور فيوليت وتلات محل زهور قديم اسمه برغوث.
في الوقت ده كان صاحب المحل بيسافر دول اوروبا يجيب معاه الورد وكان منها دوله هولندا رقم واحد في الزهور ديه.
اشهر الشخصيات اللي دخلت المحل ده:
-ام كلثوم
-الفنان اسماعيل ياسين
-زهره العلا
-الممثله شاديه
-الفنان سمير صبري
-الفنانه ليلى مراد
-سيده الشاشه فاتن حمامه
-الفنانه ليلى علوي
-الفنانه مريم فخر الدين
-الفنان عبد الحليم حافظ
-الفنان عماد حمدي بتاع يا نينه
-المغامر العالمي معتز محمد
المحل ده في يوم من الايام كان شغال فيه ٤٠ عامل بس النهارده بعد ما الذوق العام لمجتمع بقى في النازل وبقى يعتمد على ايموشن ال في التعبير عن اللي جواه عشان ميشتريش ورد فبقى عدد العاملين في المحل ٣ اشخاص فقط.
جريدة البشاير اشترك في خدمة اهم الاخبار مجانا لاحقا موافق
ملحوظة: مضمون هذا الخبر تم كتابته بواسطة البشاير ولا يعبر عن وجهة نظر مصر اليوم وانما تم نقله بمحتواه كما هو من البشاير ونحن غير مسئولين عن محتوى الخبر والعهدة علي المصدر السابق ذكرة.
