انتشر فيديو لعروس على وجهها تعابير استياء من عريسها خلال رؤيته الأولى لها بمحل صالون التجميل، حتى تصدرت الترند بهشتاج المغصوبة.

أول تعليق من الميكيب أريتست

وقالت أسماء صبري، ميكب أرتيست العروس، والمصورة للفيديو، في تصريحات خاصة لـ القاهرة 24: دي كانت خطوبة، والعروسة مكنتش عاوزة العريس.وأضافت صبري: العروسة مكنتش عاوزة العريس من طريقتها وشكلها، هي متكلمتش معايا بس طريقتها باينة.

العروسة مش عاوزاه

وتابعت: هو داخل فريست لوك كانت طريقتها باينة، مش عارفة متخانقين ولا هي مش عاوزاه أصلا بس مش مبسوطة زي ما باين في الفيديو. وأوضحت: لما نزالت الفيديو لاقيت الناس كلها بتهاجمه ومتخليتش انه هيتشهر كده، وهو تقريبا لسه مشافش الفيديو لحد دلوقتي.. شكله ملوش في السوشيال ميديا.وواصلت: أنا قفلت الفيديو عشان الناس دخلت تغلط، بس اتضح لي إن الناس شيرته كتير وانتشر بسرعة، ومتخيلتش إنه هيبقى ترند.وأشارت إلى أن العروس تبلغ من العمر 19 عامًا، والعريس بائع فاكهة في سوق البحيرة.

@user2179588379129

ملحوظة: مضمون هذا الخبر تم كتابته بواسطة بوابة المصريين في الكويت ولا يعبر عن وجهة نظر مصر اليوم وانما تم نقله بمحتواه كما هو من بوابة المصريين في الكويت ونحن غير مسئولين عن محتوى الخبر والعهدة علي المصدر السابق ذكرة.